Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

"Роскосмос" і РАН вызначыліся з арбітай новай станцыі

© Пресс-служба Роскосмоса / Перайсці ў фотабанкКасманаўты падчас выхаду ў адкрыты космас
Касманаўты падчас выхаду ў адкрыты космас - Sputnik Беларусь, 1920, 05.06.2022
Падпісацца на
Yandex newsTelegram
Якую менавіта арбіту выбралі спецыялісты, не ўдакладняецца, аднак раней паведамлялася аб двух магчымых варыянтах.
МІНСК, 5 чэр – Sputnik. "Роскосмос" і Расійская акадэмія навук (РАН) вызначылі, на якой арбіце будзе лятаць новая Расійская арбітальная службовая станцыя ("РОСС"), паведаміў гендырэктар дзяржкарпарацыі Дзмітрый Рагозін.
Ён падкрэсліў, што сумеснымі намаганнямі ўдалося вызначыцца з нахіленнем арбіты, якая дасць магчымасць атрымаць вялікую колькасць неабходнай інфармацыі. Рагозін таксама расказаў, што распрацоўшчыкі станцыі разумеюць, з чаго яна будзе складацца і ў якім парадку трэба выводзіць на арбіту асноўныя модулі новай станцыі.
Пры гэтым генеральны дырэктар "Роскосмоса" не раскрывае дэталей, на якую менавіта арбіту упаў іх выбар. Але раней было вядома аб двух магчымых варыянтах арбіты – палярнай з нахіленнем 97-98 градусаў і той жа, на якой зараз лятае МКС – з нахіленнем 51,6 градуса.
Па ацэнках экспертаў, выкарыстанне першай арбіты дазволіць назіраць практычна за ўсёй расійскай тэрыторыяй і значнай часткай Арктыкі. А вось з арбіты цяперашняй МКС бачна толькі каля 15% тэрыторыі Расіі.

Палёт беларуса ў космас

Рашэнне аб тым, што Расія і Беларусь будуць разам развіваць інфраструктуру ў касмічнай сферы, было прынята падчас наведвання прэзідэнтамі Уладзімірам Пуціным і Аляксандрам Лукашэнкам касмадрома Усходні.
Пасля гэтага Пуцін даручыў "Роскосмосу" забяспечыць неабходную падрыхтоўку і палёт на расійскім касмічным караблі прадстаўніка Беларусі.
Раней Рагозін паведамляў, што Расія прыкладзе ўсе намаганні да таго, каб хутка падрыхтаваць беларускага касманаўта – палёт у касмічную прастору можа адбыцца ўжо восенню 2023 года.
А ў Нацыянальнай акадэміі навук Беларусі расказалі, што беларускі касманаўт будзе выконваць на касмічнай арбіце даследаванні ў галіне бія-, медыцынскіх, аграрных тэхналогій па вырошчванні раслін у космасе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Рагозін: Расія і Кітай дамаўляюцца аб маштабных месяцовых праектах
"Роскосмос" расказаў аб беларускім касманаўце і супрацоўніцтве з Мінскам
"Наш Гагарын": у НАН расказалі аб задачах беларускага касманаўта на арбіце
Беларусь завершыць распрацоўку ўласнага спадарожніка да канца 2023 года
Космас, аўто і лазер: на старце тры новыя праграмы Саюзнай дзяржавы
Стужка навiн
0