Тарыфы на цеплазабеспячэнне і электраэнергію павышацца не будуць

© Sputnik / Виктор ТолочкоАплата камунальных паслуг
Аплата камунальных паслуг
 - Sputnik Беларусь, 1920, 06.06.2022
Падпісацца
Традыцыйна карэкціроўка тарыфаў на цяпло, газ і электрычнасць уводзіцца з новага года і 1 чэрвеня.
МІНСК, 6 чэр - Sputnik. Тарыфы, устаноўленыя на цеплазабеспячэнне і электраэнергію, што выкарыстоўваецца для ацяплення і гарачага водазабеспячэння ў жылых дамах, захаваюцца да канца года, такое рашэнне прыняў аператыўна-сітуацыйны штаб пры Саўміне.
Як паведамляе прэс-служба ўрада, вырашана пакінуць бягучыя тарыфы на ўзроўні пачатку 2022 года.
Традыцыйна гэта самая "цяжкая" частка жыровак, асабліва ў зімовы перыяд.
"Зніжэнне фінансавых выдаткаў насельніцтва па аплаце дадзеных камунальных паслуг да канца года складзе каля 17 млн. рублёў (больш за 6,5 млн долараў - Sputnik)", - гаворыцца ў паведамленні ўрада.
Нагадаем, з 1 чэрвеня ў Беларусі павінна была вырасці камуналка - кошты на паслугі цеплазабеспячэння (ацяпленне і падагрэў вады), газ і электрычнасць. Рост субсідуемых тарыфаў, якія пакрывае насельніцтва традыцыйна адбываецца 2 разы на год: 1 студзеня і 1 чэрвеня.
Адпаведны ўказ прэзідэнт падпісвае ў канцы года.
Напрыклад, з 1 студзеня ў разліку на стандартную двухпакаёвую кватэру з трыма пражываючымі ў ёй пры нарматыўным спажыванні паслуг тарыфы павысіліся прыкладна на 5 долараў (12 рублёў 65 капеек). З 1 чэрвеня, як і абяцалі ўлады, тарыфы вырастуць на ацяпленне, святло і газ на мэты ацяплення - на 3 рублі 4 капейкі. Нагадаем, у 2019, 2020-м і 2021-м тарыфы на "камуналку" таксама павышалі ў два этапы.
Міністр ЖХК Андрэй Хмель у красавіку папярэджваў, што тарыфы на паслугі ЖКГ у Беларусі будуць расці, але ў пэўных межах. У маі ён запэўніў, што рэзкіх скачкоў кошту ЖКП у краіне не будзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Камуналка зноў вырасце: мяняюцца тарыфы на газ, цяпло і электрычнасць
Больш за паўмільёна скарг на працу ЖКГ паступіла ў службу 115 з пачатку года
Лукашэнку насцярожвае колькасць скарг на работу ЖКГ
Стужка навiн
0