Не спрабуйце набіць кішэні: прэзідэнт аб сітуацыі з санкцыямі

© пресс-служба президента БеларусиАляксандр Лукашэнка на рэспубліканскім семінары-нарадзе "Актуалізацыя метадаў і форм работы з насельніцтвам на мясцовым узроўні" 10 чэрвеня
Аляксандр Лукашэнка на рэспубліканскім семінары-нарадзе Актуалізацыя метадаў і форм работы з насельніцтвам на мясцовым узроўні 10 чэрвеня - Sputnik Беларусь, 1920, 10.06.2022
Падпісацца
Праваахоўныя органы ва ўмовах парушанай заходнімі санкцыямі лагістыкі зарыентаваны на жорсткае спыненне карупцыі і нявыплаты падаткаў.
МІНСК, 10 чэр – Sputnik. Выкарыстанне сітуацыі з санкцыямі ў карыслівых мэтах недапушчальна, праваахоўныя органы будуць спыняць на корані карупцыю і ўхіленне ад выплаты падаткаў, аб гэтым заявіў прэзідэнт Беларусі Аляксандр Лукашэнка.

"(…) Я ўважліва аналізую працэсы, якія адбываюцца ў нашым грамадстве. Ёсць пэўныя складанасці ў сувязі з санкцыямі: парушана лагістыка, яшчэ нешта. І гэтым хочуць скарыстацца і скарысталіся ўжо вельмі многія нашы беларусы", - заявіў Лукашэнка на рэспубліканскім семінары-нарадзе "Актуалізацыя метадаў і форм работы з насельніцтвам на мясцовым узроўні" ў пятніцу ў Мінску.

Прэзідэнт папярэдзіў, калі нехта ў Беларусі паспрабуе нагрэць рукі на заходніх санкцыях, то дзяржава будзе спыняць гэтыя спробы. Пры гэтым ён падкрэсліў, што дзяржава зацікаўлена, каб яму ва ўмовах санкцыйнага ціску бізнес падставіў плячо.
"(…) Дзесьці падставіць плячо дзяржаве, дзесьці заняць нішу, якая вызвалілася. Увогуле, убудавацца ў новую лагістыку: камусьці запчасткі, камусьці лекі, камусьці яшчэ нешта прапануюць паставіць. Але пры гэтым я хачу, каб усе разумелі (асабліва вы, тут уся эліта нашай дзяржавы, ад нас залежаць рашэнні), што нажыцца, пагрэць руку і набіць кішэню пад сітуацыю не атрымаецца", - сказаў прэзідэнт.
Кіраўнік дзяржавы сказаў, што праваахоўны блок зарыентаваны на жорсткія меры ў адносінах да асоб, якія будуць учыняць злачынствы карупцыйнай і іншай накіраванасці ва ўмовах санкцыйнага ціску з боку заходніх краін.
"Хабарніцтва, нявыплата падаткаў і іншыя злачынствы будуць спыняцца на корані. Калі толькі мы сыдзем з гэтага шляху, мы пойдзем роўна транзітам па шляху брацкай нам Украіны", - сказаў ён.
Ён заклікаў жыць і працаваць "саборна, талакой", а таксама выкарыстоўваць "веча" (Усенародны беларускі сход - Sputnik), каб прымаць рашэнні. Паводле слоў Лукашэнкі, важна слухаць і чуць асабліва тых людзей, хто гарантуе нам харчовую бяспеку.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Па-новаму: як зараз іпэшнікі змогуць разлічвацца на Wildberries?
Мінздароўя пра прыватныя медцэнтры: прыпыненне ліцэнзіі ідзе толькі на карысць
Як мы адыдзем ад SWIFT: планы беларускага бізнесу
Вярхоўны суд назваў карупцыю рэальнай пагрозай нацбяспекі
Нацстратэгія барацьбы з карупцыяй да 2030 года з'явіцца ў Беларусі
Стужка навiн
0