Амаль да 800 прэпаратаў няма беларускіх аналагаў: Мінздароўя аб імпартазамяшчэнні

© Pixabay/StockSnapТаблеткі
Таблеткі - Sputnik Беларусь, 1920, 20.06.2022
Падпісацца на
НовостиTelegram
У краіне актыўна вядзецца работа па замяшчэнні лекаў айчыннымі аналагамі – сёння на рынку краіны 52% прэпаратаў беларускай вытворчасці.
МІНСК, 20 чэр – Sputnik. Імпартныя лекавыя прэпараты працягваюць паступаць у Беларусь, паведаміла ў першы намеснік міністра аховы здароўя краіны Алена Краткова ў эфіры тэлеканала АНТ.
Так, паводле яе інфармацыі, у красавіку паступіла каля 1 100 найменняў замежных лекаў, а за май-пачатак чэрвеня – 1 200.
Але, як дадала першы намеснік міністра, насцярожанасць у Міністэрства аховы здароўя ўсё ж ёсць, і звязана яна з тым, што ёсць цяжкасці з лагістыкай, тэрмінамі дастаўкі замежных прэпаратаў і аплатай.
На сёння ў ведамстве ёсць пералік са 110 лекавых прэпаратаў, якія знаходзяцца на асаблівым кантролі.
"Літаральна нядаўна прайшла чутка аб анкалагічных прэпаратах. Хачу запэўніць, што ўсе меры прымаюцца і літаральна праз тыдзень анкалагічныя прэпараты па некалькіх назвах будуць у нашай краіне", - запэўніла першы намеснік міністра.
Ды і ў краіне, паводле яе слоў, актыўна вядзецца работа па імпартазамяшчэнні. Так, сёння на беларускім рынку 52% прэпаратаў айчыннай вытворчасці.
"Што датычыцца стацыянарнага кампанента, гэта 70%, а ў некаторых стацыянарах – да 90%. Але разам з тым да каля 800 найменняў няма беларускіх аналагаў", - адзначыла Краткова.
Таксама першы намеснік міністра расказала, што ў нацыянальным рэгістры зарэгістраваны 223 украінскія прэпараты, 61 з іх не пацвердзілі сваё рэгістрацыйнае пасведчанне, гэта значыць сышлі з беларускага рынку. І зараз вядзецца аператыўны пошук, чым іх замяніць, дадала яна.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Міністр ЕАЭС: дэфіцыту лекаў няма і не будзе
Цэны на імпартныя лекі знізіліся пасля рэкамендацый Дзяржкантролю
Мінздароўя патлумачыла, чаму знікалі прэпараты для шчытавідкі
Стужка навiн
0