Мішусцін: у свеце расце цікавасць да супрацоўніцтва з ЕАЭС
© Sputnik / Виктор Толочко
Падпісацца
Трэба засяродзіць намаганні па ўзаемадзеянні з краінамі Азіяцка-Ціхаакіянскага рэгіёна, Лацінскай Амерыкі, Афрыкі і іншымі дзяржавамі, лічыць расійскі прэм’ер.
МІНСК, 21 чэр – Sputnik. У свеце расце цікавасць да ўзаемадзеяння з ЕАЭС, заявіў прэм’ер-міністр Расіі Міхаіл Мішусцін на пашыраным пасяджэнні Еўразійскага міжурадавага савета, перадае карэспандэнт Sputnik.
У сувязі з гэтым ён прапанаваў узмацніць кантакты з сябрамі і партнёрамі з іншых арганізацый.
"Перш за ўсё, з удзельнікамі СНД. Неабходна выбудаваць перспектыўнае супрацоўніцтва з краінамі Азіяцка-Ціхаакіянскага рэгіёна, Лацінскай Амерыкі і Афрыкі. Рэалізаваць увесь комплекс дамоўленасцей з Кітаем і паскорыць перагаворы па пашырэнні гандлёвых сувязей з Егіптам, Індыяй і Іранам. Наш саюз нацэлены на прадукцыйны дыялог з вядучымі рэгіянальнымі аб'яднаннямі – такімі, як ШАС і АСЕАН", - сказаў Мішусцін.
Паводле яго слоў, такое супрацоўніцтва дасць істотныя перавагі для папулярызацыі еўразійскіх тавараў на знешніх рынках і ўмацуе ролю ЕАЭС на міжнароднай арэне.
Карысць ад ЕАЭС
Ён нагадаў, што ў маі гэтага года споўнілася восем гадоў з моманту падпісання Дагавора аб Еўразійскім эканамічным саюзе. І хаця тэрмін для міжнароднай арганізацыі невялікі, за гэты час, дадаў расійскі прэм’ер, ЕАЭС даказаў сваю эфектыўнасць і запатрабаванасць.
"Тавараабарот унутры саюза пастаянна расце і апярэджвае па тэмпах гандаль з іншымі дзяржавамі. У нас нядрэнныя вынікі, у прыватнасці, у прамысловасці, фінансах, сельскай гаспадарцы. Але самае галоўнае, што карысць ад інтэграцыйнай работы ў паўсядзённым жыцці адчуваюць грамадзяне нашых краін", - рэзюміраваў прэм’ер-міністр.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мішусцін прапанаваў паскорыць пераход на ўласныя фінансавыя механізмы
Беларусь павялічыла тавараабарот з краінамі ЕАЭС на 10%
Квоты на цукар і пошліны: у Мінску прайшло пасяджэнне Савета ЕЭК
ЕАЭС трымае абарону ў глабальнай эканамічнай вайне – Галоўчанка
Пуцін анансаваў рэкордны тавараабарот РФ і Кітая ў гэтым годзе
