Якія нюансы павінны ведаць бацькі вучняў прыватных школ, расказаў Іванец

© Sputnik / Александр Кожохин / Перайсці ў медыябанкВучні на ўроку малявання
Вучні на ўроку малявання - Sputnik Беларусь, 1920, 05.09.2022
Падпісацца на
НовостиTelegram
У адзіным дзяржрэестры юрыдычных асоб краіны зарэгістраваны некалькі соцень прыватных школ, аднак толькі некалькі з іх звярнуліся па акрэдытацыю да новага навучальнага года.
МІНСК, 5 вер – Sputnik. У Беларусі толькі 13 прыватных школ атрымалі акрэдытацыю Дэпартамента кантролю якасці адукацыі, расказаў міністр адукацыі Андрэй Іванец.
Разам з тым, паводле інфармацыі кіраўніка профільнага ведамства, у адзіным дзяржрэестры юрыдычных асоб зарэгістраваны некалькі соцень школ прыватнай формы ўласнасці. Але яны не звярнуліся ў дэпартамент па акрэдытацыю.

"Ім не патрэбны гэты сертыфікат? З 1 верасня ён ім спатрэбіцца, таму што яны не будуць мець права выдаваць дакументы аб адукацыі, а мы не зможам потым перавесці гэтае дзіця ў дзяржаўную ўстанову", - падкрэсліў Іванец у інтэрв’ю БелТА.

Міністр звярнуў увагу, што бацькам вельмі важна гэта разумець, калі яны адпраўляюць вучыцца сваё дзіця ў недзяржаўную школу.

А як жа прыватныя дзіцячыя сады?

Гаворачы аб дзіцячых садах, міністр адукацыі падкрэсліў, што там "не проста хусткай выціраюць нос дзіцяці", а рэалізуюць адукацыйную праграму, строга зацверджаную дзяржаўным стандартам.
У рамках гэтай праграмы дзіцяці закладваюцца функцыі камунікацыі, сацыялізацыі, магчымасці арыентавання ў грамадстве. Як падкрэсліў кіраўнік міністэрства, гэта вельмі сур’ёзныя педагагічныя працэсы.
"Таму толькі ўстановы, якія рэалізуюць адукацыйныя праграмы, зацверджаныя Мінадукацыі, і дзе працуюць людзі, якія маюць адпаведную педагагічную адукацыю, могуць называцца ўстановай дашкольнай адукацыі", - падсумаваў Іванец.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка правёў адкрыты ўрок 1 верасня – відэа
Да 470%: МАРГ выявіў парушэнне цэн на школьныя тавары
Пікантная курачка і мітболы – што ўвойдзе ў школьнае меню
Стужка навiн
0