Лізавета II узышла на брытанскі трон 6 лютага 1952 года, аднак цырымонія каранацыі адбылася толькі ў чэрвені наступнага года. Гэтым летам Вялікабрытанія пышна адзначыла 70-годдзе знаходжання каралевы на троне.Глядзіце ў фотастужцы Sputnik, як мяняўся вобраз найстарэйшага манарха ў свеце.Спадчыннікам брытанскага прастола з’яўляецца Прынц Чарльз, старэйшы сын Лізаветы II.Наступнымі прэтэндэнтамі на трон лічацца прынц Уільям і яго дзеці.>>> Хочаце яшчэ больш актуальных і цікавых навін – падпісвайцеся на Telegram-канал Sputnik БеларусьТаксама на Sputnik:
Каралева Лізавета II памерла ў чацвер у замку Балмарал на 97-м годзе жыцця ў асяроддзі бліжэйшых сваякоў.
Лізавета II узышла на брытанскі трон 6 лютага 1952 года, аднак цырымонія каранацыі адбылася толькі ў чэрвені наступнага года. Гэтым летам Вялікабрытанія пышна адзначыла 70-годдзе знаходжання каралевы на троне.
Глядзіце ў фотастужцы Sputnik, як мяняўся вобраз найстарэйшага манарха ў свеце.
Лізавета II узышла на трон ва ўзросце дваццаці пяці гадоў, пасля смерці свайго бацькі – караля Георга VI. На фота Лізавета ў любімай тыяры, якую падарыла ёй бабуля, каралева Марыя Тэкская на вяселле.
Лізавета II нарадзілася 21 красавіка 1926 года і не была першай у чарзе на трон. Трон павінен быў перайсці да яе дзядзькі караля Эдуарда VIII, але ён адрокся ад пасады, і 10-гадовая Лізавета стала афіцыйнай спадчынніцай.
На момант ўзыходжання на трон Лізавета II стала кіраўніком Садружнасці і царствуючай каралевай сямі краін: Вялікабрытаніі, Канады, Аўстраліі, Новай Зеландыі, Паўднёвай Афрыкі, Пакістана і Цэйлона. У першым калядным пасланні свайму народу ў шырокай Брытанскай імперыі яна прасіла сваіх людзей "захаваць гэты смелы дух прыгод".
Каранацыя Лізаветы II адбылася 2 чэрвеня 1953 года ў Вестмінстэрскім абацтве, калі ёй было 27 гадоў. Да моманту ўзыходжання на трон яна ўжо была замужам за лейтэнантам Філіпам Маўнтбетэнам, герцагам Эдынбургскім, і ў іх нарадзіліся прынц Чарльз і прынцэса Ганна.
Лізавета II вярхом на сваім кані Імперыял назірае за парадам коннай гвардыі ў гонар яе 35-годдзя.
Каралева Вялікабрытаніі – адзіная жанчына-прадстаўніца каралеўскай сям’і, якая ўступіла ў рады ўзброеных сіл і праходзіла службу падчас Другой сусветнай вайны як вадзіцель ваеннага грузавіка і механік.
Лізавета II – была адзінай грамадзянкай краіны, якая не мела пашпарта. У Вялікабрытаніі гэты дакумент выдаецца ад імя манарха, і каралева не можа выпісаць яго самой сабе. Акрамя таго, яна – адзіны чалавек у Злучаным Каралеўстве, якому было дазволена ездзіць без пасведчання вадзіцеля (яна самастойна кіравала аўтамабілем да 93 гадоў).
Адно з галоўных яе хобі – развядзенне скакавых коней і верхавая язда. Паводле звестак друку, за апошнія 30 гадоў перамогі каралеўскіх коней на скачках прынеслі Лізавеце II £6,7 млн ($8,8 млн).
Каралева Вялікабрытаніі выступае перад Палатай лордаў у Лондане 23 кастрычніка 1996 года.
За час яе праўлення змянілася 15 кіраўнікоў урадаў. З першым з іх, Уінстанам Чэрчылем, яе звязвалі сяброўскія адносіны. Чатыры прэм’еры нарадзіліся ўжо падчас праўлення Лізаветы II – Тоні Блэр, Тэрэза Мэй, Барыс Джонсан і Дэвід Кэмеран.
Сярод царствуючых жанчын яна была на троне даўжэй за ўсіх у гісторыі. Аднак яна не перасягнула дасягненне французскага караля Людовіка XIV (1638-1715), які кіраваў 72 гады і 110 дзён.
Лізавета II доўга з’яўлялася найстарэйшым з дзеючых кіраўнікоў дзяржаў. А пасля таго, як 13 кастрычніка 2016 года пайшоў з жыцця кароль Тайланда Пуміпон Адульядэт (Рама IX), яна была самым доўга кіруючым манархам свету.
Са сваім мужам Філіпам Лізавета II пражыла ў шлюбе 73 гады, што з’яўляецца самым доўгім шлюбам сярод іншых каранаваных асоб. У каралевы чацвёра дзяцей, восем унукаў і адзінаццаць праўнукаў.
Спадчыннікам брытанскага прастола з’яўляецца Прынц Чарльз, старэйшы сын Лізаветы II.
Наступнымі прэтэндэнтамі на трон лічацца прынц Уільям і яго дзеці.
![На момант ўзыходжання на трон Лізавета II стала кіраўніком Садружнасці і царствуючай каралевай сямі краін: Вялікабрытаніі, Канады, Аўстраліі, Новай Зеландыі, Паўднёвай Афрыкі, Пакістана і Цэйлона. У першым калядным пасланні свайму народу ў шырокай Брытанскай імперыі яна прасіла сваіх людзей "захаваць гэты смелы дух прыгод". - Sputnik Беларусь](https://cdnn11.img.sputnik.by/img/07e6/02/02/1059976208_0:0:2047:2580_600x0_80_0_1_af81392b47fdbf802c4b02aa5c09a09b.jpg "На момант ўзыходжання на трон Лізавета II стала кіраўніком Садружнасці і царствуючай каралевай сямі краін: Вялікабрытаніі, Канады, Аўстраліі, Новай Зеландыі, Паўднёвай Афрыкі, Пакістана і Цэйлона. У першым калядным пасланні свайму народу ў шырокай Брытанскай імперыі яна прасіла сваіх людзей "захаваць гэты смелы дух прыгод".")
