Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Лукашэнка ўхваліў праект дагавора з РФ па падаткаабкладанні ўскоснымі падаткамі

© Pixabay / stevepbПраца з дакументамі, архіўнае фота
Праца з дакументамі, архіўнае фота - Sputnik Беларусь, 1920, 12.09.2022
Падпісацца на
НовостиTelegram
Праводзіць перагаворы ўпаўнаважана міністэрства фінансаў, указам яму таксама дадзены паўнамоцтвы ўносіць неабходныя змены непрынцыповага характару.
МІНСК, 12 вер – Sputnik. Аляксандр Лукашэнка адобрыў праект дагавора з Расіяй аб агульных прынцыпах падаткаабкладання па ўскосных падатках, адпаведны ўказ быў падпісаны ў пятніцу, 9 верасня, і афіцыйна апублікаваны на нацыянальным прававым партале ў суботу.
Удакладняецца, што гэты праект ухвалены як аснова для далейшых перагавораў па гэтым пытанні.
Праводзіць перагаворы ўпаўнаважана міністэрства фінансаў, указам яму таксама нададзены паўнамоцтвы ўносіць неабходныя змены непрынцыповага характару.
Па дасягненні дамоўленасці ў межах ухваленага праекта Міністэрства фінансаў упаўнаважана таксама падпісаць дагавор.
Раней першы намеснік міністра па падатках і зборах Беларусі Ігар Клепча анансаваў падпісанне дамовы аб адміністраванні ўскосных падаткаў.
"У даволі высокай ступені гатоўнасці дагавор аб адміністраванні ўскосных падаткаў. Думаю, у бліжэйшы час ён будзе падпісаны. Вызначаны ўсе агульныя падыходы, па якіх будзе працаваць падатковая служба Расійскай Федэрацыі і падатковая служба Беларусі", - сказаў Клепча.
На пасяджэнні Вышэйшага дзяржсавета Саюзнай дзяржавы, якое прайшло ў лістападзе мінулага года, прэм’ер-міністр РФ Міхаіл Мішусцін заявіў, што трэба прыняць больш за чатыры сотні актаў і двухбаковых пагадненняў для прававога рэгулявання ў Саюзнай дзяржаве.
"Па сутнасці будзе стварацца новае рэгуляванне – зараз на агульнай інтэграцыйнай аснове", - растлумачыў тады кіраўнік расійскага кабміна. І дадаў, што гэта найперш закранае падатковую і мытную палітыку, а таксама доступ да дзяржаўных закупак і агульныя энергетычныя рынкі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларусы пачалі плаціць падатак за збор грыбоў і ягад
Што трэба ведаць пра адзінае паведамленне аб выплаце падаткаў – відэа
Урад Беларусі паабяцаў падатковыя льготы на зямлю і нерухомасць
Стужка навiн
0