Свае самалёты будуць выкарыстоўваць у Расіі і Беларусі – Лукашэнка
12:40 26.09.2022 (абноўлена: 12:41 26.09.2022)
© Sputnik / Илья Питалев
/ Падпісацца
Беларускі бок сумесна з расійскімі партнёрамі актыўна ўключыўся ў праграмы па імпартазамяшчэнні замежных камплектуючых ва ўмовах санкцый.
МІНСК, 26 вер – Sputnik. Усе даручэнні, дадзеныя ўрадам Беларусі і Расіі, выконваюцца ў тэрмін без зрываў, заявіў Аляксандр Лукашэнка на сустрэчы з расійскім прэзідэнтам Уладзімірам Пуціным у Сочы.
"У нас і з імпартазамяшчэннем нармальна атрымліваецца. І на сваіх самалётах будзем лятаць – і на ваенных, і на грамадзянскіх. І на сваіх аўтамабілях будзем перамяшчацца. Ніякага страху няма", - запэўніў беларускі лідар.
Паводле яго слоў, нават ва ўмовах санкцый беларускія прадукты харчавання, як і ўдабрэнне, купляюць. Хаця, вядома, ёсць пэўныя складанасці, таму што блакіруюць пакупнікоў.
"Але знаходзім жа шляхі – і прадаём. Цэны ўзнялі. Не мы ж узнялі. Каму трэба гэта?.. Вось зараз паглядзеў навіны – уся Еўропа бурліць, найбагацейшая Германія ўся на вуліцы", - падзяліўся бачаннем сітуацыі Аляксандр Лукашэнка.
Пасля чаго дадаў, што ўсе дадзеныя ўрадам дзвюх краін даручэнні, якія тычацца дамоўленасцей на вышэйшым узроўні, выконваюцца без зрываў.
Новыя партнёры
Аляксандр Лукашэнка звярнуў увагу, што ўдалося знайсці партнёраў, з якімі вядзецца паспяховая работа па прасоўванні эканомікі – нягледзячы на тое, што ўмовы работы для эканомікі змяніліся.
"Нам прадказвалі крах, гібель... Мы не раз гаварылі: жыццё разнастайнае. Мы камусьці патрэбны, хтосьці нам патрэбны", - падкрэсліў ён.
На яго думку, нашы краіны перажываюць зараз няпросты перыяд, таму важна, каб гэта разумелі грамадзяне дзвюх дзяржаў, улічваючы, што і ў свеце сітуацыя перавярнулася.
"Людзі разумеюць. Ёсць розныя – і тут, і там. Мы іх бачым. Ёсць нейкі водападзел, крытэрый… у нас у 2020 годзе, у Расіі, ды і ў нас, зараз, - які паказвае, хто ёсць хто. У гэтым няма нічога дрэннага", - лічыць Аляксандр Лукашэнка.
Мінск патрабуе павагі
Кіраўнік дзяржавы асабліва адзначыў, што ў Беларусі адкрыты да тых, хто паважае рэспубліку і хоча жыць у свеце. Таму уніжэння ніхто цярпець не стане.
"Еўропа, калі яна ачумела... Я пра тых не кажу, за акіянам... Няхай яны думаюць. Я ім тры разы ўжо казаў: іх будучыня разам з намі. Разам з Расіяй, дзе ёсць усё, што ім трэба, а у іх ёсць тое, што мы ў іх можам купіць – тэхналогіі і іншае. Што ім яшчэ трэба? Проста трэба прымаць адказныя рашэнні", - заклікаў ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка і Пуцін праводзяць перагаворы ў Сочы
Сусветныя рынкі маюць патрэбу ў беларускіх удабрэннях – Пуцін
Узгоднена 8 з 14 імпартазамяшчальных праектаў у Беларусі – Пархомчык
Беларусь і Расія пашыраць супрацоўніцтва па імпартазамяшчэнні ў энергетыцы
Беларусь і Расія вызначылі праекты па імпартазамяшчэнні на $1,3 млрд
