Чамаданава: SputnikPro – ідэальная пляцоўка для падрыхтоўкі блогераў
© Sputnik / Сергей Пушкин
Падпісацца
Па словах прадстаўніка Мінгарвыканкама, сталічнай моладзі цікавы якасны вопыт працы ў сацыяльных сетках, месенджэрах і пабліках.
МІНСК, 3 кас – Sputnik. Праект SputnikPro запатрабаваны пры падрыхтоўцы спецыялістаў у блогасферы і СММ, аб гэтым заявіла начальнік галоўнага ўпраўлення ідэалагічнай работы і па справах моладзі Мінгарвыканкама Вольга Чамаданава ў мультымедыйным прэс-цэнтры Sputnik Беларусь.
"SputnikPro ужо не ўпершыню дае такую навучальную пляцоўку для моладзі беларускай сталіцы па СММ-навучанні і суправаджэнні розных інфармацыйных тэм", - напомніла Чамаданава.
Пры гэтым яна адзначыла актуальнасць і важнасць правядзення такіх навучальных мерапрыемстваў у кантэксце цяперашняй глабальнай сітуацыі.
"Для нас гэта ўнікальная магчымасць знаёміцца з новымі медыя па гэтым пытанні. І хачу адзначыць, што на пляцоўцы SputnikPro праходзіць не толькі навучанне, але і абмен меркаваннямі, вопытам з тымі, хто ўжо працуе ў сетцы Інтэрнэт, з месенджэрамі і сацыяльнымі сеткамі", - падкрэсліла яна Sputnik.
Па словах Чамаданавай, для ўдзельнікаў навучальнага праекта важны абмен вопытам.
"Заўсёды цікава атрымліваць новы вопыт работы ў сетцы Інтэрнэт ад спецыялістаў, якія працуюць па розных напрамках. Сёння на SputnikPro прыйшоў маладзёжны актыў з розных сфер дзейнасці. Гэта і навучэнцы, і студэнты, і моладзь, якая працуе", - сказала Чамаданава.
Паводле яе слоў, гэтыя маладыя людзі зацікаўлены атрымаць актуальныя, цікавыя веды ў сферы прасоўвання інфармацыйнага кантэнту на сваіх рэсурсах – у месенджэрах, пабліках і сацыяльных сетках.
Пры гэтым яна падкрэсліла, што кантэнт звязаны з інфармацыйным і палітычным парадкам дня як сталіцы, так і краіны ў цэлым.
SputnikPro - міжнародны асветніцкі праект у галіне медыя, ініцыяваны агенцтвам Sputnik
© Sputnik / Tolochko Victor
Таксама Чамаданава адзначыла, што мінскія гарадскія ўлады зацікаўлены ў тым, каб "пашырыць кола ўдзельнікаў у сферы СММ-прасоўвання".
У сувязі з гэтым яна растлумачыла, што сёння больш як 80% насельніцтва з’яўляюцца карыстальнікамі розных сацыяльных медыя.
"І для таго, каб прапаноўваць якасны, аб’ектыўны, цікавы кантэнт, вельмі важна такое навучанне, якое праводзіць SputnikPro", – працягнула яна.
"Мы не павінны абмяжоўвацца выключна журналістамі. Мы бачым, як цяпер развіваецца блогасфера, цяпер у сетцы інтэрнет можа працаваць абсалютна любы. Але мы павінны атрымліваць якасны інфармацыйны прадукт на гэтым важным і такім актуальным сёння напрамку", - рэзюміравала субяседнік агенцтва.
Майстар-клас быў прысвечаны тэме таго, якім павінен быць Telegram-канал
© Sputnik / Виктор Толочко
Праект SputnikPro – міжнародны асветніцкі праект у галіне медыя, ініцыяваны агенцтвам Sputnik. Гэта сістэма ўнікальных семінараў, лекцый і майстар-класаў лепшых расійскіх і замежных медыяменеджэраў, экспертаў і вядучых спецыялістаў агенцтва для журналістаў, прэс-сакратароў, блогераў і студэнтаў старэйшых курсаў профільных аддзяленняў ВНУ.
Навучальныя модулі SputnikPro прайшлі ўжо ў 22 краінах: ад Арменіі да Індыі, ад Грэцыі да Кітая. Усяго з сакавіка 2018 года ў праекце прынялі ўдзел больш за 5 000 чалавек з 80 краін.
Sputnik – міжнароднае інфармацыйнае агенцтва і радыё, частка медыягрупы "Россия сегодня". Sputnik аб’ядноўвае інтэрнэт-сайты на дзесятках моў, аналагавае і лічбавае радыёвяшчанне і стужкі навін на англійскай, арабскай, іспанскай, кітайскай і фарсі. Аўдыторыя інфармацыйных рэсурсаў Sputnik складае каля 21 мільёна наведвальнікаў у месяц, агульная колькасць падпісчыкаў у сацсетках перавышае 26 мільёнаў. Галаўны офіс Sputnik знаходзіцца ў Маскве.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Эксперт назваў сакрэт раскруткі Telegram-канала
SputnikPro: тры правілы паспяховага Telegram-канала
SputnikPro: Вышынскі пра сувязь якаснай публіцыстыкі і пазіцыі аўтара
