Будучую амністыю збіраюцца абмеркаваць на парламенцкіх слуханнях

© PixabayСудовы малаток
Судовы малаток - Sputnik Беларусь, 1920, 07.10.2022
Падпісацца на
НовостиTelegram
Згодна з праектам закона, пад амністыю не трапяць асобы, якія ўчынілі злачынствы экстрэмісцкай накіраванасці.
МІНСК, 7 кас – Sputnik. Праект закона аб будучай амністыі плануюць вынесці на парламенцкія слуханні, пасля чаго яго разгледзіць ніжняя палата ў Авальнай зале, распавялі Sputnik у профільнай дэпутацкай камісіі Палаты прадстаўнікоў Нацыянальнага схода.
Праект закона аб амністыі напярэдадні паступіў у камісію па нацыянальнай бяспецы.
"Гэты праект закона аб правядзенні чарговай амністыі прынцыпова нічым не адрозніваецца ад папярэдняга аналагічнага закона – у ім прапісаны тыя ж артыкулы, тыя ж асноўныя моманты амністыі", - паведамілі ў камісіі па нацыянальнай бяспецы.
Там удакладнілі, што ў праекце закона няма нормы аб тым, што пад яе могуць папасці асобы, якія ўчынілі злачынствы экстрэмісцкай накіраванасці. Як раней паведамлялася, супраць гэтай нормы выступаў генэральны пракурор Беларусі Андрэй Швед.
"Ідзе падрыхтоўка парламенцкіх слуханняў, прэзідэнтам было дадзена распараджэнне абмеркаваць максімальна шырока з парламентарыямі гэты законапраект", - сказаў субяседнік агенцтва, дадаўшы, што дата слуханняў не вызначана.
Як раней паведамлялася, напярэдадні Дня народнага адзінства Аляксандр Лукашэнка прапанаваў правесці ў краіне амністыю.
Ён заявіў, што на вызваленне могуць разлічваць і тыя, хто выпадкова спатыкнуўся і раскаяўся, у тым ліку – людзі, якія ўдзельнічаюць у масавых пратэстах пасля прэзідэнцкіх выбараў, але "не бандыты і экстрэмісты".
Таксама была названа прыкладная колькасць асоб, якія могуць трапіць пад амністыю, іх аказалася каля 8 тысяч. Пакуль не ўдакладняецца, колькі асуджаных могуць выйсці з месцаў пазбаўлення свабоды.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка расказаў, каму свеціць амністыя да Дня народнага адзінства
"Аб’яднаны кабінет" Ціханоўскай у Беларусі прызнаны экстрэмісцкім
МУС прызнала экстрэмісцкімі фарміраваннямі Kyky.org і Чай з малінавым варэннем
Стужка навiн
0