Новы міністр прамысловасці паабяцаў экспарт за 9 месяцаў на ўзроўні 111%
10:15 10.10.2022 (абноўлена: 10:16 10.10.2022)
© Sputnik / Виктор Толочко
Падпісацца
Кіраўнік ведамства лічыць, што зараз ёсць унікальны шанс для ўсіх прадпрыемстваў замясціць тое, што выпала па імпарце.
МІНСК, 10 кас – Sputnik. Па выніках дзевяці месяцаў экспарт прамысловых тавараў Беларусі складзе каля 111%, такімі прагнозамі падзяліўся новы міністр прамысловасці Беларусі Аляксандр Рагожнік у эфіры тэлеканала "Беларусь 1".
Кіраўнік профільнага ведамства адзначыў, што з пачатку гэтага года попыт на прамысловую прадукцыю Беларусі рэзка ўзрос, але потым на рынку здарылася дэстабілізацыя.
"Выпаў рынак Украіны, пад пытаннем сталі пастаўкі ў ЕС, але, нягледзячы на гэтыя цяжкасці, нам удалося пераарыентаваць рынкі збыту, замясціць рынак Украіны, Еўрасаюза. Павялічылі значна пастаўкі на рынак Афрыкі", - расказаў ён.
Так, па выніках студзеня-верасня міністр плануе выйсці на паказчык экспарту каля 111%.
Таксама Рагожнік расказаў аб задачах, якія ўрад паставіў перад беларускім Мінпрамам на 2023 год.
"Па індэксу фізічнага аб’ёму – 105%, рост экспарту – на ўзроўні 100%, аб’ём інвестыцый – больш як 120%. Цяпер ёсць унікальны шанс для ўсіх прадпрыемстваў замясціць тое, што выпала па імпарце", - падкрэсліў кіраўнік ведамства.
Экспартуйце, але абмежавана
Разам з тым, не так даўно, беларускі ўрад з 23 верасня ўвёў часовую забарону на вываз з краіны шэрага прамысловых тавараў.
Пералік забароненых да вывазу тавараў дастаткова вялікі, у ім змяшчаецца больш за 250 кодаў таварнай наменклатуры. У пераліку тавараў, забароненых да вывазу, значацца і спецыяльныя машыны для розных відаў работ, абсталяванне для апрацоўкі і перапрацоўкі малака, розныя станкі. Таксама ў спісак трапілі легкавыя аўтамабілі і шматлікае іншае.
Гэтая часовая забарона будзе дзейнічаць на працягу шасці месяцаў.
Пры гэтым у дакуменце ўказана, што забарона, у прыватнасці, не распаўсюджваецца на тавары, якія вывозяцца з Беларусі ў Расію ў рамках Саюзнай дзяржавы.
Беларускі ўрад ужо не першы раз уводзіць такую забарону. Аналагічная мера была прынята ў сакавіку гэтага года. Тады з краіны забаранілі вывозіць 257 відаў розных прамысловых тавараў. Гэтая забарона была часовай і дзейнічала паўгода. Ва ўрадзе лічаць, што гэтыя меры прыняты для абароны эканамічных інтарэсаў дзяржавы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Доля Беларусі ў перастраховачнай кампаніі ЕАЭС складзе 25%
Урад удакладніў, як у Беларусі будуць фарміравацца стабфонды
Расія выдзеліла Беларусі $300 мільёнаў на імпартазамяшчэнне ў 2022 годзе
Золатавалютныя рэзервы Беларусі павялічыліся на 0,5%
Акцыі 15 прадпрыемстваў пяройдуць ва ўласнасць дзяржавы
