Акцыі 15 прадпрыемстваў пяройдуць ва ўласнасць дзяржавы

© Sputnik / Валерий Мельников / Перайсці ў медыябанкПрадукцыя АТ "Белшына"
Прадукцыя АТ Белшына - Sputnik Беларусь, 1920, 07.10.2022
Падпісацца на
НовостиTelegram
Пастанова Савета міністраў рэспублікі закранула такія буйныя прадпрыемствы, як "Амкадор", "Керамін" і "Белшына".
МІНСК, 7 кас – Sputnik. Беларуская дзяржава бязвыплатна прыме ва ўласнасць у 2022 годзе акцыі 15 прадпрыемстваў, аб гэтым гаворыцца ў пастанове Савета міністраў рэспублікі ад 4 кастрычніка 2022 года №660, апублікаванай на Нацыянальным прававым партале.
У дадатку да дакумента пералічаны 15 прадпрыемстваў Беларусі, у іх ліку "Амкадор", "Керамін", Баранавіцкая птушкафабрыка, "Белінвестбанк", "Белшына", "Краснасельскбудматэрыялы" і іншыя.
Пастановай прадпісваецца таксама бязвыплатна перадаць у гаспадарчае распараджэнне рэспубліканскіх унітарных прадпрыемстваў акцыі акцыянерных таварыстваў, якія знаходзяцца ва ўласнасці Рэспублікі Беларусь. Працэдура павінна прайсці ў гэтым годзе.
У спіску – 10 прадпрыемстваў, у іх ліку "Гомельшкло", Гродзенскі шклозавод, Беларускі цэментны завод, Пружанскі малочны камбінат і іншыя.
Акрамя таго, у адпаведнасці з пастановай, акцыі шэрага акцыянерных таварыстваў, якія знаходзяцца ва ўласнасці Рэспублікі Беларусь і гаспадарчым распараджэнні (аператыўным кіраванні) дзяржаўных органаў і арганізацый, будуць перададзены ва ўладанне і распараджэнне Дзяржаўнага камітэта па маёмасці.
Дакумент закране 12 прадпрыемстваў. Сярод іх – Банк росту і развіцця бізнесу, "Белаграпрамбанк", "Белзнешэканомбанк", "Прыёрбанк" і іншыя.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Расія выдзеліць Беларусі крэдыт на $1,5 млрд для імпартазамяшчэння – Авярчук
Ніякага атэльнага бізнесу пад выглядам аграсядзіб: Лукашэнка падпісаў указ
Лукашэнка прызначыў новага міністра прамысловасці
Дзе размесціцца беларуска-расійскі мытны цэнтр, расказалі ў ДМК
Беларусь і Расія створаць міждзяржаўны станкабудаўнічы кластар
Стужка навiн
0