Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Мінабароны назвала колькасць расійскай тэхнікі ў Рэгіянальнай групоўцы

© Пресс-служба Минобороны РФ / Перайсці ў медыябанкТанкі на палігоне "Алабино", архіўнае фота
Танкі на палігоне Алабино, архіўнае фота - Sputnik Беларусь, 1920, 17.10.2022
Падпісацца на
НовостиTelegram
Першыя эшалоны з расійскімі вайскоўцамі пачалі прыбываць у Беларусь у суботу, на наступны дзень мінчане назіралі ў небе знішчальнікі ПКС РФ.
МІНСК, 17 кас – Sputnik. Начальнік дэпартамента міжнароднага ваеннага супрацоўніцтва Мінабароны Беларусі Валерый Равенка расказаў, колькі расійскай тэхнікі прыбудзе ў рэспубліку для задзейнічання ў Рэгіянальнай групоўцы войск.
У мінулую суботу ў Беларусь пачалі прыбываць першыя эшалоны з расійскімі вайскоўцамі, якія будуць знаходзіцца ў рэспубліцы ў складзе Рэгіянальнай групоўкі войск.
"Агульная колькасць да прыбыцця ў РБ (Рэспубліку Беларусь - Sputnik) складзе да 9000 а/с (асабовага складу - Sputnik), каля 170 танкаў, да 200 ББМ (баявых браніраваных машын - Sputnik) і да 100 гармат і мінамётаў калібрам больш за 100 мм", - напісаў Равенка ў сваім акаўнце ў Twitter.
Ён назваў асноўныя моманты, якія Саюзная дзяржава разглядае як пагрозу сваёй бяспецы. Гэта разгортванне групоўкі НАТА каля меж Саюзнай дзяржавы на фоне адсутнасці дыялогу, павышэнне інтэнсіўнасці мерапрыемстваў падрыхтоўкі НАТА з наступальнай тэматыкай і заахвочванне беларускіх радыкальных элементаў для звяржэння законнай улады ў рэспубліцы.

Рэгіянальная групоўка войск

Прэзідэнт Беларусі Аляксандр Лукашэнка 10 кастрычніка падчас нарады з сілавым блокам паведаміў, што на працягу некалькіх дзён ідзе фарміраванне саюзнай групоўкі сіл з удзелам расійскіх вайскоўцаў. Гэта вымушаная мера рэагавання на існуючую сітуацыю, падкрэсліў ён.
Пазней міністр абароны краіны Віктар Хрэнін заявіў, што зараз ідзе паэтапнае рэагаванне на наяўную сітуацыю. Ён падкрэсліў, што задачы рэгіянальнай групоўкі войск выключна абарончыя.
"А ўсе мерапрыемствы, якія праводзяцца цяпер, накіраваны на адэкватнае рэагаванне на дзеянні паблізу нашых меж", - дадаў Хрэнін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мінабароны праінфармавала ваенных аташэ аб сітуацыі вакол Беларусі
Буйныя міжнародныя вучэнні пачаліся каля беларускіх меж
Лукашэнка: Беларусь і Расія не жадаюць эскалацыі, але гэта "не ад нас залежыць"
Украіна толькі падстава: Лукашэнка назваў сапраўдныя мэты заходніх стратэгаў
Хрэнін распавёў, якая задача пастаўлена перад саюзнай групоўкай войск
Стужка навiн
0