Галоўрэд "Ежедневника" Сяргей Сацук прыгавораны да 8 гадоў пазбаўлення волі

© Sputnik / Анна НефедоваМінскі гарадскі суд
Мінскі гарадскі суд - Sputnik Беларусь, 1920, 26.10.2022
Падпісацца на
НовостиTelegram
Ён прызнаны вінаватым па шэрагу артыкулаў Крымінальнага кодэкса, сярод якіх артыкулы за атрыманне хабару і распальванне сацыяльнай варожасці.
МІНСК, 26 кас – Sputnik. Мінскі гарадскі суд прыгаварыў дырэктара ТДА "Інтэр-Сміт", якому належыць выданне "Ежедневник", Сяргея Сацука да 8 гадоў пазбаўлення волі, паведамілі Sputnik у судзе.
Прыгавор быў абвешчаны ў сераду. Сацука судзілі за атрыманне хабару ў буйным памеры, перавышэнне ўлады ці службовых паўнамоцтваў, а таксама распальванне варожасці ці звады па прыкмеце сацыяльнай прыналежнасці
"Сацук прыгавораны да 8 гадоў пазбаўлення волі з адбываннем у папраўчай калоніі агульнага рэжыму", - паведамілі Sputnik у судзе.
Доступ да сайта "Ежедневника" абмежаваны "на падставе рашэння Міністэрства інфармацыі" з 8 снежня, яго ўнеслі ў спісак блакіроўкі для правайдэраў.
Сацуку былі прад’яўлены абвінавачанні па ч.2 арт.430 (атрыманне хабару), ч.2 арт.426 (перавышэнне службовых паўнамоцтваў), ч.2 арт.130 (распальванне сацыяльнай варожасці або звады) КК.
Сацук быў затрыманы ў Мінску 25 сакавіка 2020 года па падазрэнні ў атрыманні хабару ад адной з прыватных медкампаній. Праз нейкі час яму змянілі меру стрымання і выпусцілі з СІЗА. Тады ДФР КДК перадаў матэрыялы справы ва УСК па Мінску для правядзення папярэдняга расследавання.
Па даных КДК, хабар у памеры 5 тысяч долараў Сацук прыняў за падрыхтоўку і размяшчэнне на прыналежным яму сайце артыкула, які ўтрымоўваў кампраметуючыя звесткі ў адносінах да кампаніі-канкурэнта. Пасля Сацук быў затрыманы, канчатковае абвінавачанне было прад’яўлена па трох артыкулах Крымінальнага кодэкса.
Сяргей Сацук вядомы ў беларускай журналістыцы з канца 1990-х гадоў, ён пісаў на праваахоўную тэматыку, займаўся журналісцкімі расследаваннямі, звязанымі з крымінальнай тэматыкай, у тым ліку карупцыйнымі злачынствамі ў сферы медыцыны. Заснаванае ім выданне "Ежедневник" стала першай электроннай газетай у Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Суд абвясціў абвінаваўчы прыгавор па справе БелаПАН
Справа журналіста "КП в Беларуси" Генадзя Мажэйкі паступіла ў суд
Справа аб тэрарызме: абвінавачаны хацеў стаць палітбежанцам
Васкрасенскі пракаменціраваў законапраект аб амністыі
Амаль 200 гадоў на 12 чалавек: суд абвясціў прыгавор па справе аб тэрарызме
Стужка навiн
0