Лукашэнка запатрабаваў ад урада смеласці ў прыняцці рашэнняў

© Sputnik / Виктор ТолочкоДом урада
Дом урада - Sputnik Беларусь, 1920, 08.11.2022
Падпісацца
Беларускія ўлады плануюць унесці змены ў законы, якія закранаюць працу Савета міністраў, каб пашырыць яго паўнамоцтвы.
МІНСК, 8 ліс – Sputnik. За мінулыя гады беларускі ўрад набыў каласальны вопыт, заявіў кіраўнік дзяржавы Аляксандр Лукашэнка на нарадзе ў палацы Незалежнасці, прысвечанай змяненням у заканадаўстве.
Паводле яго слоў, урад праявіў сябе, пераадольваючы крызісныя сітуацыі і пандэмію. Пры гэтым увага была сканцэнтравана на кіраванні эканомікай.

Смелы і ініцыятыўны ўрад

Сёння абмяркоўваецца карэкціроўка законаў аб Савеце міністраў – пры гэтым неабходна ўлічыць сфарміраваную практыку і замацаваць яе нарматыўна.

"Я таксама патрабую яшчэ большай ініцыятыўнасці і самастойнасці Савета Міністраў, нават часам смеласці ў прыняцці рашэнняў", - цытуе Лукашэнку БелТА.

На яго думку, для добрага функцыянавання ўрада ў праект закона неабходна закласці дзейсныя механізмы. Гэта знаходзіцца ў зоне адказнасці ўрада.
"Працуючы над праектам, трэба памятаць, што і структура ўрада таксама не павінна заставацца застылай. Я аб гэтым ужо гаварыў у жніўні", - нагадаў кіраўнік дзяржавы.

Нарматворчасць і УНС

Пры гэтым ён звярнуў на не менш важны законапраект аб нарматыўна-прававых актах, таму што ён закладвае фундамент адзінай прававой прасторы ў рэспубліцы.
"У ім павінны атрымаць развіццё канстытуцыйныя нормы. Але з улікам наяўнай абстаноўкі!" – падзяліўся сваім бачаннем Лукашэнка.
Пасля чаго нагадаў, што дзеючы закон вызначае, як прымаюцца дакументы і ў чым іх юрыдычная сіла. Улічваючы з’яўленне ў Асноўным законе новага органа – "Усебеларускага народнага схода – трэба вызначыць яго месца ў сістэме прававых актаў".
Беларускі лідар акцэнтаваў увагу на тым факце, што "гэтыя дакументы па значнасці параўнальны з рашэннямі з’езда кампартыі ў свой час". На яго думку, гэты законапраект павінен уключаць у сябе адказы на ўсе пытанні норматворчасці, пачынаючы з падрыхтоўкі і завяршаючы фармуліроўкамі.
"Маё патрабаванне – ўсё павінна быць прапісана нармальнай мовай, проста і зразумела!", - падкрэсліў Аляксандр Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Тэрміны паўнамоцтваў некаторых дэлегатаў УНС прапанавалі абмежаваць
Грамадскае абмеркаванне законапраекта аб УНС завяршаецца ў Беларусі
Выбары ў 2024 годзе не будуць лёгкімі – Лукашэнка
Аб новай канцэпцыі нацбяспекі Беларусі расказалі ў парламенце
Не толькі ідэалісты, але і авантурысты – Лукашэнка выказаўся пра партыі
Стужка навiн
0