Анатолю Ярмоленку – 75: стаўленне да таго, што адбываецца, я паказваю ў песнях
© Sputnik
Падпісацца
Эксклюзіў
Што Анатоль Ярмоленка думае пра ўкраінскі канфлікт, чаму раіць артыстам часцей выходзіць з вобраза, і якімі словамі ўспамінае здымкі ў скандальным кліпе Шнура пра 8 сакавіка? На радыё Sputnik – шчырае інтэрв’ю ўсенародна любімага артыста да яго юбілею.
Народны артыст Беларусі, нязменны кіраўнік ансамбля "Сябры" Анатоль Ярмоленка 15 лістапада адзначае 75-гадовы юбілей. У інтэрв’ю радыё Sputnik спявак расказаў пра тое, у якіх абставінах сустракае свята і ці ёсць у яго зараз час і настрой для творчасці.
"Святкуем у сямейных абставінах, сітуацыя такая, што ў гэтым годзе мая гадавіна супала з адходам маёй жонкі, таму я не магу быць у такой актыўнай працы. Гэта першы год, які мы сустракаем у вузкім сямейным коле. Прыехалі ўсе мае блізкія – сын, дачка, і мы паехалі ў царкву, у якую хадзілі разам з жонкай. А сёння мы ў Грузіі, дзе будзем адзначаць мой дзень нараджэння разам з сям’ёй", - расказвае Ярмоленка.
Аб юбілейным канцэрце
На пытанне аб юбілейным туры Анатоль Іванавіч адказвае "рыхтую" і адразу дадае "падбіраю матэрыял". Будучую творчую праграму артыст ужо вырашыў назваць "Чацвёртая чвэрць". "Тры ўжо пражыў, наперадзе чацвёртая", - тлумачыць Ярмоленка.
"У мяне нават ёсць такая дамоўленасць – можа, калі ўсё зрасцецца, зраблю з аркестрам "Фанограф". Мне б вельмі хацелася. Мы пазнаёміліся і прасякнуліся павагай адзін да аднаго на "Двух звездах", - расказвае артыст (Анатоль Ярмоленка разам з дачкой Алесяй браў удзел у расійскім тэлепраекце "Две звезды. Отцы и дети" на Першым канале).
На пытанне, як захаваць фірменны, вядомы голас у яго ўзросце, адказвае проста: "Не перазлоўжываць".
"Я ў той ці іншай ступені ўдзячны таму ці іншаму твору, які падабаецца публіцы ці падабаецца мне… Я не люблю казаць пра нейкія тэмы, адцягненыя ад творчасці, а ў песнях часам паказваю сваю пазіцыю, сваё стаўленне да тых ці іншых падзей", - распавядае артыст.
Калі ты спяваеш, а потым пачынаеш казаць, тлумачыць, рабіць рэкамендацыі, даваць парады, выказваць сваю пазіцыю – гэта ўжо зусім іншая прафесія. "А я артыст, я спяваю", - падкрэслівае Ярмоленка.
Аб украінскім канфлікце
"Калі б хто-небудзь калі-небудзь сказаў мне, што Украіна будзе для нас праціўнікам – для іх мы праціўнікі, а для Расіі праціўнік Україна… Гэта два блізкія народы. Што будуць зносіцца помнікі, прычым ва Украіне… Я не бачыў, каб тут дзе-небудзь у нас ці ў Расіі гэта адбывалася.Тут павага да культуры. Гэта ўсё неяк так далёка зайшло. Выпусцілі джына гэтага. І я думаю, што калі б было проста паміж дзвюма дзяржавамі, двума народамі, і не было б трэцяга боку, напэўна ўсё было б зусім па-іншаму. Думаю, што жыццё ўсё ж такі расставіць нейкія… Жыццё мудрая штука, яно заўсёды знаходзіць нейкае выйсе", - адзначае артыст.
Поўную версію размовы глядзіце на Sputnik Беларусь, а таксама ў нашых сацсетках – "Одноклассники", Rutube і "ВКонтакте".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Цыскарыдзэ: час тытанаў у мастацтве заканчваецца
Анатоль Кацянёў сыграў Барыса Ельцына ў новым сезоне "Кароны"
Жыццё і вершы Максіма Лужаніна: "На дарожных развілках сівеюць паданні…"
Пяцьдзесят пяць прыступак у свет тэатра і музыкі
Парк "Нясвіж" больш не з’яўляецца помнікам прыроды рэспубліканскага ўзроўню
