Чэлябінская вобласць зацікавілася "імпартазамешчанай" тэхнікай з Беларусі
© Sputnik / Виктор Толочко
Падпісацца
На думку прэм’ер-міністра Беларусі, у рэспублікі і ўральскага рэгіёна ёсць шмат перспектыўных напрамкаў для супрацоўніцтва. У першую чаргу гэта датычыцца прамысловасці.
МІНСК, 15 ліс – Sputnik. Беларусь і Чэлябінская вобласць могуць актыўна працаваць у сферы імпартазамяшчэння, заявіў прэм’ер-міністр краіны Раман Галоўчанка, сустракаючыся ў аўторак з губернатарам гэтага расійскага рэгіёна Аляксеем Тэкслерам, перадае карэспандэнт Sputnik.
"Чэлябінская вобласць, безумоўна, важны партнёр для рэспублікі. У нас і ў мінулыя гады была вельмі добрая дынаміка тавараабароту, і ў 2021 годзе – гэта быў першы няпросты год – мы прыбавілі ў тавараабароце 40%. А за 9 месяцаў гэтага года прыбавілі яшчэ 20% і выйшлі на лічбу 380 млн долараў. Гэта сапраўды нядрэнны вынік", - канстатаваў кіраўнік беларускага ўрада.
Выхад на тэхналагічны суверэнітэт
Прэм’ер падкрэсліў, што адно з важных цяпер пытанняў – імпартазамяшчэнне. Паводле яго слоў, гэта стратэгічная тэма з пункту гледжання гарантавання нацыянальнай бяспекі і тэхналагічнага суверэнітэту Беларусі і Расіі.
Раман Галоўчанка тэзісна абазначыў асноўныя блокі, якія беларускі ўрад бачыць у якасці перспектыўных для працы з чэлябінскім партнёрамі. Першы блок – гэта вытворчая кааперацыя.
"З улікам вялікага прамысловага патэнцыялу, які засяроджаны ў вашым рэгіёне, гэта натуральны напрамак. У нас ёсць добры праект вытворчасці на чэлябінскіх машынабудаўнічых заводах спецыяльнай тэхнікі на базе шасі беларускіх вытворцаў і Мінскага аўтамабільнага завода", - прывёў адзін з прыкладаў кіраўнік Саўміна.
Нават самая складаная тэхніка
Паводле яго слоў, ёсць шэраг іншых вытворцаў, якія вырабляюць імпартазамяшчальныя камплектуючыя або тэхніку. Сярод іх – Мінскі завод колавых цягачоў, які стварае платформы для нафтавай і нафтагазавай прамысловасці.
"На тэрыторыі Чэлябінскай вобласці працуе адзін з найбуйнейшых суб’ектаў гаспадарання ў сферы нафты і газу, іншыя буйныя спажыўцы, таму гэта тая сфера, якая варта ўвагі", - адзначыў Галоўчанка.
Акрамя таго, удакладніў ён, шэраг іншых чэлябінскіх машынабудаўнічых прадпрыемстваў працуе з Мінскім маторным заводам і выкарыстоўвае рухавікі пры вытворчасці сваёй прадукцыі.
"Усё, што тычыцца ўзнікаючай патрэбнасці ў грузавой тэхніцы, гаспадарчай, камунальнай, – усе беларускія прадпрыемствы гатовы выконваць заказы. Гэта тэхніка добра вядома – МАЗ, МТЗ, "Амкадор", Гомсельмаш. У ходзе вашага візіту, наколькі я ведаю, заключана пагадненне на павелічэнне паставак прадукцыі Мінскага трактарнага завода", - сказаў прэм’ер-міністр.
АПК і будаўніцтва
Другі блок для супрацоўніцтва – гэта аграпрамысловая сфера. Нягледзячы на тое, што Чэлябінская вобласць развівалася як буйны індустрыяльны цэнтр, сфера АПК у гэтым рэгіёне мае добрыя перспектывы. У гэтым годзе ў рэгіёне быў адзін з самых буйных ураджаяў за ўсю гісторыю.
"Значыць, трэба падумаць, як узмацніць узаемадзеянне ў такім напрамку, як пастаўка з Беларусі сельскагаспадарчай тэхнікі шырокай лінейкі. Можам прапанаваць нашы тэхналогіі і вопыт па будаўніцтве сучасных малочнатаварных комплексаў", - праінфармаваў кіраўнік урада.
І, нарэшце, трэці блок – супрацоўніцтва ў будаўнічай сферы. Беларускія будаўнічыя арганізацыі цяпер паспяхова працуюць у Калужскай, Варонежскай, Калінінградскай, Бранскай абласцях. Работы вядуцца як па жылым фондзе, так і па інфраструктурных і сацыяльных аб’ектах. Па словах прэм’ера, пакуль што гэтая тэма не адпрацоўвалася з Чэлябінскай вобласцю прадметна, але ў яе ёсць добрыя перспектывы.
Беларусь замест заходніх вытворцаў
Губернатар Чэлябінскай вобласці Аляксей Тэкслер у сваю чаргу падкрэсліў, што пытанне кааперацыі з Беларуссю – напрамак, у якім рэгіён надзвычайна зацікаўлены.
"Таму што замясціць трэба тых, хто адышоў ад нас. Ну пайшлі і пайшлі – ў нас цяпер дакладна хопіць сіл і магчымасцей, каб не проста імпартазамясціць, а зрабіць гэта на зусім новым узроўні", - адзначыў ён.
Кіраўнік рэгіёна заявіў, што за два дні візіту члены дэлегацыі заключылі шэраг пагадненняў. Сярод іх – кантракт з МТЗ на пастаўку новых трактароў, а таксама пагадненне з "Магілёўліфтмашам" на 90 ліфтаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Вытворчасць трактароў Belarus хочуць лакалізаваць у Чэлябінску
Лукашэнка намеціць планы супрацоўніцтва на будучы "вельмі няпросты год"
