Футбалісты Іспаніі і Германіі згулялі ўнічыю на ЧС у Катары

© AFP 2023 / MANAN VATSYAYANAМатч паміж зборнымі Іспаніі і Германіі на ЧС у Катары
Матч паміж зборнымі Іспаніі і Германіі на ЧС у Катары - Sputnik Беларусь, 1920, 28.11.2022
Падпісацца на
НовостиTelegram
Лік у гэтым матчы адкрыла зборная Іспаніі, і, каб зраўняць яго, немцам прыйшлося добра пастарацца.
МІНСК, 28 ліс – Sputnik. Зборныя каманды Германіі і Іспаніі не здолелі выявіць наймацнейшага ў матчы чэмпіянату свету ў Катары, згуляўшы ўнічыю, паведамляе Sputnik.
Лік у цэнтральным паядынку групы Е на 62-й хвіліне адкрыў іспанец Альвара Марата. Нямецкай камандзе прыйшлося прыкласці нямала намаганняў, каб адысці ад паражэння. Праз 20 хвілін пасля прапушчанага мяча немцу Нікласу Фюлькругу ўсё ж удалося зраўняць лік – 1:1. Ён і стаў выніковым у гэтай сустрэчы.
Што да іншых матчаў, то японцы, якія абгулялі ў першым туры немцаў з лікам 2:1, уступілі на гэты раз зборнай Коста-Рыкі – 0:1.
Такім чынам, становішча каманд пасля двух гульнявых дзён склалася наступным чынам: Іспанія – 4 ачкі, Японія – 3, Коста-Рыка – 3, Германія – 1.
У групе F футбалісты Харватыі разграмілі канадцаў з лікам 4:1. Уладальнікі трэцяга месца мінулага ЧС гульцы зборнай Бельгіі вельмі нечакана ўступілі мараканцам з лікам 0:2.
Цяпер у гэтай групе ў Харватыі – 4 ачкі, Марока – 4, Бельгіі – 3, Канады – 0.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
ЧС у Катары: Іран абыграў Уэльс на апошніх хвілінах
Саудаўская Аравія стварыла сенсацыю на ЧС, абгуляўшы зборную Аргенціны
Усё нераспрададзенае на ЧС у Катары піва дастанецца пераможцу
Бразілія выйграе чэмпіянат свету, лічыць Пеле
Стужка навiн
0