Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Першым беларускім касманаўтам павінна стаць дзяўчына – НАН Беларусі

© РоскосмосМКС
МКС - Sputnik Беларусь, 1920, 21.12.2022
Падпісацца на
НовостиTelegram
Прэтэндэнты ад Беларусі на палёт у космас ужо прыбылі ў Цэнтр падрыхтоўкі касманаўтаў у Расіі, там яны пройдуць медыцынскі адбор.
МІНСК, 21 сне – Sputnik. Першым касманаўтам з суверэннай Беларусі павінна стаць дзяўчына, паведаміў старшыня прэзідыума Нацыянальнай акадэміі навук краіны Уладзімір Гусакоў, адзначыўшы, што менавіта на гэтым быў зроблены акцэнт падчас адбору прэтэндэнтаў.
"Першым беларускім касманаўтам павінна быць дзяўчына. Таму зроблены акцэнты на адбор дзяўчат. Адабраны некалькі дзяўчат, перш за ўсё (такія), каб яны па здароўі падыходзілі", - сказаў Гусакоў у інтэрв’ю дзяржагенцтву тэленавін, урывак якога апублікаваны ў Telegram-канале АТН у сераду.
Старшыня прэзідыума НАН нагадаў, што прэтэндэнты накіраваны ў цэнтр падрыхтоўкі касманаўтаў у Расіі, дзе медыкамі будзе ацэнены стан іх здароўя.
У выніку, працягнуў Гусакоў, адбяруць дваіх – асноўнага касманаўта і дублёра. Затым ім трэба прайсці падрыхтоўку для палёту ў космас, а доўжыцца гэта будзе паўгода.

"Калі ўсё будзе добра, то восенню наступнага года, у верасні, будзе завершана гэта падрыхтоўка і магчыма будзе палёт беларускага касманаўта", - сказаў ён.

Нагадаем, напярэдадні "Роскосмос" паведаміў аб тым, што прэтэндэнты на палёт у космас ад Беларусі прыбылі ў падмаскоўны Цэнтр падрыхтоўкі касманаўтаў.

Навуковая праграма

Па словах старшыні прэзідыума Нацыянальнай акадэміі навук, на арбіце касманаўт ад Беларусі павінен будзе выканаць мэтавую навуковую праграму. Яна будзе датычыцца фізіялогіі, здароўя, біятэхналогій і біяпрэпаратаў.
У планах таксама даследаванні па вырошчванні раслін і праверка беларускага абсталявання, работу якога хацеў бы Мінск пратэсціраваць у космасе, дадаў Гусакоў.

Палёт на МКС

Сёлета 20 чэрвеня стала вядома, што ў Беларусі падрыхтаваны спісак кандыдатаў для палёту ў космас. Першапачаткова разглядаліся кандыдатуры больш за сто чалавек, але ў спісак увайшлі толькі 29, з іх трэць – жанчыны.
Як тлумачыў намеснік начальніка ўпраўлення аэракасмічнай дзейнасці Нацыянальнай акадэміі навук Беларусі Іван Буча, для кандыдатаў быў распрацаваны шэраг патрабаванняў. Так, гэта павінен быў быць грамадзянін Беларусі ва ўзросце ад 25 да 40 гадоў, які валодае англійскай мовай, з вышэйшай адукацыяй па напрамках фізіка, хімія, біялогія, матэматыка, ракетакасмічная тэхніка.
У канцы кастрычніка начальнік упраўлення аэракасмічнай дзейнасці апарату НАН Беларусі, намеснік кіраўніка агенцтва па касмічных даследаваннях Пётр Віцязь паведаміў, што беларускі касманаўт зможа здзейсніць палёт на Міжнародную касмічную станцыю ў 2023 годзе.

Лукашэнка наведае Цэнтр падрыхтоўкі касманаўтаў

19 снежня прэзідэнт Расіі Уладзімір Пуцін па выніках перагавораў з кіраўніком беларускай дзяржавы ў Мінску заявіў, што Аляксандр Лукашэнка прыняў запрашэнне наведаць Цэнтр падрыхтоўкі касманаўтаў. Пуцін удакладніў, што гэты візіт адбудзецца напярэдадні нефармальнага саміту краін СНД у Санкт-Пецярбургу, які запланаваны на 26-27 снежня.
Пры гэтым ён пацвердзіў, што ў наступным годзе, "як і дамовіліся, запланаваны палёт на арбітальную станцыю беларускага касманаўта".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Карпарацыя "Белкосмас" створана ў Беларусі
Спісак кандыдатаў у касманаўты ад Беларусі гатоў – "Роскосмос"
Мезенцаў: Беларусь і РФ адкажуць на санкцыі паглыбленнем інтэграцыі ў космасе
"Роскосмос" і РАН вызначыліся з арбітай новай станцыі
Барысаў і Мезенцаў абмеркавалі стварэнне расійска-беларускага спадарожніка
Стужка навiн
0