Як будуць працаваць банкі на Новы год і Каляды

© Sputnik / Алексей Сухоруков / Перайсці ў медыябанкПраца банка
Праца банка - Sputnik Беларусь, 1920, 29.12.2022
Падпісацца на
НовостиTelegram
Банкі і іншыя ўстановы фінансавага сектара заўсёды ўстанаўліваюць у перыяд свят асаблівы рэжым працы і просяць кліентаў асабліва звяртаць на гэта ўвагу.
МІНСК, 29 сне – Sputnik. Банкі расказалі, як будуць працаваць на святы – напярэдадні Новага года і праваслаўнага Раства.
У "Прыёрбанку" растлумачылі, што аддзяленні ўстановы не будуць працаваць у святочныя дні, а менавіта 31 снежня, 1, 2 і 7 студзеня. Апошнім працоўным днём у 2022 годзе стане 30 снежня, аднак абслугоўваць кліентаў будуць да 16:00. У перадсвяточны дзень 6 студзеня 2023 года аддзяленні па краіне скароцяць працу на 1 гадзіну. Выключэнне – касы банка, размешчаныя на тэрыторыі гандлёвых прадпрыемстваў.
"Белгазпрамбанк" таксама праінфармаваў кліентаў аб змяненнях у графіку работы ў навагоднія і калядныя святы. Офісы банка абслужаць кліентаў да 16:00 30 снежня, пасля чаго сыдуць на трохдзённыя выхадныя. На Каляды 7 студзеня банкаўскія офісы таксама не будуць працаваць.
Што тычыцца працы анлайн-сэрвісаў – інтэрнэт-банкінгу, мабільнага прыкладання банка і 3D-плацяжоў – з 16:00 30 снежня і да 8:30 3 студзеня іх праца будзе абмежавана. А менавіта нельга будзе:
папоўніць уклады і рахункі,
пагасіць крэдыты,
пакінуць анлайн-заяўку на атрыманне крэдыту,
зрабіць некаторыя іншыя аперацыі.
Найбуйнейшы банк краіны "Беларусбанк" аб’явіў выхадныя 31 снежня, 1 і 2 студзеня. Пры гэтым асобныя падраздзяленні банка будуць працаваць. З 22:00 30 снежня па 00:00 1 студзеня будуць недаступны аперацыі па ўкладных, бягучых і базавых рахунках.
У "Банку Дабрабыт" расказалі, што выхадныя дні для ўсіх аддзяленняў банка будуць у тыя ж даты, што і ў большасці іншых банкаў: 31 снежня, 1, 2 і 7 студзеня. Аперацыйныя касы будуць працаваць у стандартным рэжыме (акрамя 1 студзеня), але ёсць выключэнні і па іншых днях.
Напрыклад, скарочаны рэжым працы ўстаноўлены для касы ў дылерскім аўтацэнтры ў вёсцы Баравая Мінскага раёна 31 снежня, а таксама для касы ў ГЦ "Мандарын-Плаза" ў Гомелі. На наступны пасля Новага года дзень, 2 студзеня, а таксама на Каляды 7 студзеня рэжым працы скарочаны ў касе "Магілёў. ЦУМ".
Па спецыяльным рэжыме будуць працаваць аддзяленні беларускага "Сбер Банка". Апошнім працоўным днём для офісных супрацоўнікаў стане 30 снежня. А вось выхадных дзён у банка з расійскім капіталам будзе больш – 31 снежня, 1, 2, 7 і нават 8 студзеня. Тым не менш, пункт абслугоўвання кліентаў №5 у Нацыянальным аэрапорце Мінск і пункт абслугоўвання №12 у населеным пункце Пагранічны ў Бераставіцкім раёне Гродзенскай вобласці будуць працаваць 2, 7 і 8 студзеня – з 9:45 да 20:45.
Большасць іншых банкаў таксама аб’явілі выхаднымі днямі 31 снежня, 1, 2 і 7 студзеня. Тым не менш, у кожны з гэтых дзён будуць працаваць па некалькі дзяжурных кас.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Як будуць працаваць бальніцы і паліклінікі на Новы год і Каляды
БЧ прапануе білеты са скідкай да 42% – але ёсць умовы
Не забудзьце парасоны: сіноптыкі далі прагноз надвор’я на навагоднюю ноч
Сто відаў шашлыку: у Мінску ўсё гатова да навагодніх свят
Шампанскага і мандарынаў хопіць усім: МАРГ праверыў навагодні асартымент
Стужка навiн
0