Як будуць працаваць бальніцы і паліклінікі на Новы год і Каляды
14:05 22.12.2022 (абноўлена: 14:33 22.12.2022)
© Sputnik / Алексей Мальгавко
/ Падпісацца
У Міністэрстве аховы здароўя запэўніваюць, што бальніцы гатовы да прыёму пацыентаў на выпадак экстранай шпіталізацыі, узмоцнена работа траўматолагаў, рэаніматолагаў і іншых профільных урачоў.
МІНСК, 22 сне – Sputnik. Як будуць працаваць медустановы падчас навагодніх і калядных свят у канцы 2022-га і ў пачатку 2023-га года, расказалі прадстаўнікі міністэрства аховы здароўя Беларусі падчас прэс-канферэнцыі ў чацвер.
Паводле слоў начальніка аддзела арганізацыі медыцынскай аховы пры надзвычайных сітуацыях Міністэрства аховы здароўя Беларусі Аляксандра Панцюхова, ужо выдадзены загад аб функцыянаванні медустаноў у святочныя дні ў снежні і студзені.
Бальніцы і паліклінікі будуць працаваць па наступным графіку:
25 снежня – па графіку святочнага дня,
31 снежня – па графіку суботняга дня,
1 студзеня – па графіку працу ў святочны дзень,
2 студзеня – па графіку выхаднога дня,
7 студзеня – па графіку працы ў святочны дзень.
Прадстаўнік міністэрства асаблівую ўвагу звярнуў на тое, што бальніцы гатовы да прыёму пацыентаў на выпадак экстранай шпіталізацыі ў перыяд свят.
"Выдзелены рэзервовыя ложкі па асноўных профілях, створаны рэзерв неабходных лекавых сродкаў, медвырабаў медыцынскага прызначэння. Узмоцнена работа прыёмных аддзяленняў, траўматалагічных пунктаў, аддзяленняў інтэнсіўнай тэрапіі і рэанімацыі за кошт прыцягнення найбольш кваліфікаваных спецыялістаў", - удакладніў Панцюхоў.
Акрамя таго, прыняты меры па ўстойлівым забеспячэнні сістэм цепла-, вода- і энергазабеспячэння ў бальніцах і паліклініках. На выпадак надзвычайных здарэнняў практычна ўсе арганізацыі забяспечаны дызельнымі электрастанцыямі. У найбольш верагодных месцах, дзе магчымы НС і траўмы, будзе арганізавана дзяжурства 27 брыгад хуткай дапамогі.
Таксама, паводле яго слоў, у месцах найбольшай колькасці людзей у Мінску – каля Палаца Незалежнасці, Палаца Рэспублікі, Белдзяржцырка – будуць разгорнуты мабільныя медпункты ўрачэбнага складу.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Як будуць працаваць бальніцы і паліклінікі на Новы год і Каляды
Як засцерагчы сябе ў галалёд, расказаў траўматолаг-артапед
Пад’ём захворвання на ВРВІ: Міністэрства аховы здароўя нагадала аб мерах прафілактыкі
Міністэрства аховы здароўя намякнула, колькі ў краіне хварэюць на COVID-19
Наколькі эфектыўныя вакцыны супраць воспы малпаў, распавялі ў СААЗ
