https://bel.sputnik.by/20230103/dzen-naradzhennya-mulyavna-adznachats-grandyznym-kantsertam-u-mnsku-1070829293.html

Дзень нараджэння Мулявіна адзначаць грандыёзным канцэртам у Мінску

Дзень нараджэння Мулявіна адзначаць грандыёзным канцэртам у Мінску

Sputnik Беларусь

Штогод Белдзяржфілармонія ладзіць традыцыйны канцэрт у дзень нараджэння беларускага выканаўцы – гледачы змогуць пачуць легендарныя хіты 1960-1980-х. 03.01.2023, Sputnik Беларусь

2023-01-03T10:50+0300

2023-01-03T10:50+0300

2023-03-01T10:30+0300

уладзімір мулявін

канцэрт

беларуская дзяржаўная філармонія

культура

грамадства

навіны

у беларусі

спадчына

асоба

афіша

https://cdnn11.img.sputnik.by/img/102036/01/1020360146_0:405:2009:1535_1920x0_80_0_0_6b79072677f0ae41ed7b71e510579b71.jpg

МІНСК, 3 сту – Sputnik. Дзень нараджэння заснавальніка легендарнага беларускага ансамбля "Песняры" Уладзіміра Мулявіна адзначаць вялікім канцэртам у Мінску.Канцэрт "Ад "Лявонаў" да "Песняроў". Нараджэнне легенды" адбудзецца ў Белдзяржфілармоніі 12 студзеня. На сцэне выступіць Нацыянальны акадэмічны народны аркестр Беларусі імя І. Жыновіча, а хіты "Песняроў" выканае беларускі рок-выканаўца Ян Жанчак.Канцэрт пакажа рэтраспектыву творчасці мулявінскага калектыву – ад песень ансамбля "Лявоны" канца 1960-х да кампазіцый пазнейшага перыяду ўжо "Песняроў". Са сцэны прагучаць знакамітыя "Ты мне вясною прыснілася", "І туды гара, і сюды гара", "Ідзем-пайдзем уздоўж вуліцы", "Стаіць вярба", "Каліна".Вядома, гледачы пачуюць любімыя хіты "Песняроў" – "Алеся", "За полчаса до весны", "Вологда", "Крик птицы", "Белоруссия", "Беловежская пуща", "Наши любимые" і многія іншыя.У канцэрце прыме ўдзел сузаснавальнік ансамбля "Песняры" Уладзіслаў Місевіч, а таксама саліст аркестра імя Жыновіча Андрэй Коласаў. Дырыжор і аўтар усіх аранжыровак праекта – Аляксандр Крамко.Памяць аб МулявінеУладзімір Мулявін нарадзіўся ў Свярдлоўску (цяпер Екацярынбург). З 1963 года яго біяграфія звязана з Беларуссю. Пасля службы ў арміі ў 1968 годзе музыкант стварыў ансамбль "Лявоны", пераназваны затым у "Песняры".ВІА пабываў з гастролямі ў многіх краінах свету. Пік папулярнасці музычнай групы прыпаў на 70-я гады. Падчас першага прыезду "Песняроў" у ЗША аўтарытэтны музычны часопіс Billboard прысвяціў ім цэлы нумар.Мулявін, удзельнік і лаўрэат разнастайных міжнародных фестываляў, у 2001 годзе быў узнагароджаны ордэнам Францыска Скарыны.У маі 2002 года артыст трапіў у страшную аўтакатастрофу, у якой атрымаў пералом пазваночніка і быў поўнасцю паралізаваны. 26 студзеня 2003 года Мулявіна не стала. Артыст пахаваны на Усходніх могілках у Мінску. У гэтым годзе заснавальніку "Песняроў" споўніўся б 81 год.Помнікі музыканту ўстаноўлены ў родным Екацярынбурзе і ў Мінску – за Белдзяржфілармоніяй. У Маскве на Алеі Зорак у 2001 годзе была закладзена зорка ў гонар Мулявіна. На доме на вуліцы Бяды, у якім жыў "пясняр", устаноўлена мемарыяльная дошка. Яго іменем названы адзін з цэнтральных бульвараў Мінска.>>> Хочаце яшчэ больш актуальных і цікавых навін – падпісвайцеся на Telegram-канал Sputnik БеларусьТаксама на Sputnik:

2023

Навіны

ru_BY

уладзімір мулявін, канцэрт, беларуская дзяржаўная філармонія, культура, грамадства, навіны , у беларусі, спадчына, асоба, афіша