https://bel.sputnik.by/20230104/sabalenka-vyyshla--chvertsfnal-tensnaga-turnru--adeladze-1070851587.html
Сабаленка выйшла ў чвэрцьфінал тэніснага турніру ў Адэлаідзе
Сабаленка выйшла ў чвэрцьфінал тэніснага турніру ў Адэлаідзе
Sputnik Беларусь
Беларускі рыхтуюцца да першага ў новым сезоне турніру "Вялікага шлема" – Australian Open, дзе яны выступяць у нейтральным статусе. 04.01.2023, Sputnik Беларусь
2023-01-04T09:43+0300
2023-01-04T09:43+0300
2023-01-04T09:43+0300
арына сабаленка
адэлаіда
тэніс
тэнісны турнір
спорт
вікторыя азаранка
у свеце
https://cdnn11.img.sputnik.by/img/07e6/0b/01/1068590447_0:0:3073:1728_1920x0_80_0_0_a3cf163f03d3c27d0e026fecee61aa54.jpg
МІНСК, 4 сту – Sputnik. Першая ракетка Беларусі Арына Сабаленка выйшла ў чвэрцьфінал адзіночнага разраду тэніснага турніру катэгорыі WTA-500, які праходзіць у аўстралійскай Адэлаідзе.У паядынку другога раунда за 2 гадзіны 15 хвілін беларуска (5 у рэйтынгу WTA) абыграла расіянку Людмілу Самсонаву (20 WTA) у двух сэтах – 7:6 (10:8), 7:6 (7:3).Сабаленка 11 разоў падала навылет, дапусціла 6 падвойных памылак і рэалізавала 3 брэйк-пойнты з 7. На рахунку Самсонавай – 8 эйсаў, 4 падвойныя памылкі і 3 рэалізаваных брэйк-пойнты з 10.Сабаленка і Самсонава раней сустракаліся ў вочным супрацьстаянні двойчы, лік у асабістых сустрэчах склаў 1:1.Наступнай саперніцай Сабаленкі будзе прадстаўніца Чэхіі Маркета Вандроўшава (92 WTA).Напярэдадні ў 1/16 турніру ў адзіночным разрадзе перамагла яшчэ адна беларуска Вікторыя Азаранка, якая адолела ўкраінку Ангеліну Калініну (39 WTA) з лікам 7:6 (11:9), 7:6 (7:5). Наступнай саперніцай Азаранкі будзе будзе прадстаўніца Кітая Сінвэнь Жэн (28 WTA).Цікава, што Азаранка і Сабаленка могуць згуляць адна супраць адной, калі абедзве дойдуць да фіналу.Раней у чвэрцьфінал турніру ў парным разрадзе прайшоў таксама тандэм Арына Сабаленка/Лідзія Марозава. Ім трэба будзе згуляць з іспанска-японскім дуэтам Крысціна Буча/Макота Ніномія.Спаборніцтвы ў Адэлаідзе завершацца 8 студзеня, агульны прызавы фонд турніру складае больш за 826 тысяч долараў.Потым з 10 па 15 студзеня адбудзецца яшчэ адзін падрыхтоўчы турнір. Пасля гэтага ў Мельбурне з 16 студзеня стартуе турнір "вялікай чацвёркі" – Australian Open. На ім беларускі будуць выступаць у нейтральным статусе.>>> Хочаце яшчэ больш актуальных і цікавых навін – падпісвайцеся на Telegram-канал Sputnik БеларусьЧытайце таксама:
адэлаіда
Sputnik Беларусь
media@sputniknews.com
+74956456601
MIA „Rossiya Segodnya“
2023
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
арына сабаленка, адэлаіда, тэніс, тэнісны турнір, спорт, вікторыя азаранка, у свеце
арына сабаленка, адэлаіда, тэніс, тэнісны турнір, спорт, вікторыя азаранка, у свеце
Сабаленка выйшла ў чвэрцьфінал тэніснага турніру ў Адэлаідзе
Беларускі рыхтуюцца да першага ў новым сезоне турніру "Вялікага шлема" – Australian Open, дзе яны выступяць у нейтральным статусе.
МІНСК, 4 сту – Sputnik. Першая ракетка Беларусі Арына Сабаленка выйшла ў чвэрцьфінал адзіночнага разраду тэніснага турніру катэгорыі WTA-500, які праходзіць у аўстралійскай Адэлаідзе.
У паядынку другога раунда за 2 гадзіны 15 хвілін беларуска (5 у рэйтынгу WTA) абыграла расіянку Людмілу Самсонаву (20 WTA) у двух сэтах – 7:6 (10:8), 7:6 (7:3).
Сабаленка 11 разоў падала навылет, дапусціла 6 падвойных памылак і рэалізавала 3 брэйк-пойнты з 7. На рахунку Самсонавай – 8 эйсаў, 4 падвойныя памылкі і 3 рэалізаваных брэйк-пойнты з 10.
Сабаленка і Самсонава раней сустракаліся ў вочным супрацьстаянні двойчы, лік у асабістых сустрэчах склаў 1:1.
Наступнай саперніцай Сабаленкі будзе прадстаўніца Чэхіі Маркета Вандроўшава (92 WTA).
Напярэдадні ў 1/16 турніру ў адзіночным разрадзе перамагла яшчэ адна беларуска Вікторыя Азаранка, якая адолела ўкраінку Ангеліну Калініну (39 WTA) з лікам 7:6 (11:9), 7:6 (7:5). Наступнай саперніцай Азаранкі будзе будзе прадстаўніца Кітая Сінвэнь Жэн (28 WTA).
Цікава, што Азаранка і Сабаленка могуць згуляць адна супраць адной, калі абедзве дойдуць да фіналу.
Раней у чвэрцьфінал турніру ў парным разрадзе прайшоў таксама тандэм Арына Сабаленка/Лідзія Марозава. Ім трэба будзе згуляць з іспанска-японскім дуэтам Крысціна Буча/Макота Ніномія.
Спаборніцтвы ў Адэлаідзе завершацца 8 студзеня, агульны прызавы фонд турніру складае больш за 826 тысяч долараў.
Потым з 10 па 15 студзеня адбудзецца яшчэ адзін падрыхтоўчы турнір. Пасля гэтага ў Мельбурне з 16 студзеня стартуе турнір "вялікай чацвёркі" – Australian Open. На ім беларускі будуць выступаць у нейтральным статусе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь Мінскае
"Дынама" перамагло ў КХЛ пасля 8 пройгрышаў
Зуева заваявала другое "золата" на чэмпіянаце РФ па канькабежным спорце
