Вадохрышча-2023: афіцыйныя месцы купання ў адкрытых вадаёмах Мінска і раёна
Падпісацца
Месцы купання ў адкрытых вадаёмах Мінска на праваслаўнае Вадохрышча 2023 года, а таксама правілы бяспекі, супрацьпаказанні і неабходны інвентар для купання ў палонцы – на Sputnik Беларусь.
19 студзеня беларускія праваслаўныя хрысціяне адзначаюць Вадохрышча. У гэтае Вялікае хрысціянскае свята вернікі ўспамінаюць аб біблейскай гісторыі хрышчэння Ісуса Хрыста Іаанам Прадцечам у рацэ Іардан.
У памяць аб тым, што Ісус Хрыстос хрышчэннем асвяціў ваду, здзяйсняюцца вадасвяцці: напярэдадні свята вада асвячаецца ў храмах, у само свята вада асвячаецца ў прыродных вадаёмах або іншых месцах, дзе бяруць ваду. У свята Вадохрышча прынята апускацца з галавой у ваду на адкрытых вадаёмах або аблівацца.
У інфаграфіцы Sputnik – месцы, абсталяваныя для вадохрышчанскага купання ў адкрытых вадаёмах Мінска і наваколля.
Што ўзяць з сабой:
махровы халат з капюшонам – каб дабрацца да купелі,
вялікі ручнік – для расцірання,
шлёпанцы – пажадана з няслізкай падэшвай,
плавальную шапачку – калі ў вас доўгія валасы,
купальнік або плаўкі,
тэрмас з гарачым напоем – сагрэцца пасля купання,
поліпрапіленавы палавічок – падаслаць пад ногі для перапранання.
Забараняецца:
купанне ў адсутнасць прадстаўнікоў службаў выратавання і медработнікаў,
распіццё спіртных напояў, купанне ў стане алкагольнага ап’янення,
купанне дзяцей без нагляду дарослых,
купанне групай больш за тры чалавекі,
ныранне ў палонку з лёду,
ныранне галавой наперад.
Рэкамендуецца:
перад купаннем разагрэцца, зрабіўшы размінку,
знаходзіцца ў палонцы не больш за адну хвіліну, каб пазбегнуць агульнага пераахаладжэння арганізма,
пасля купання расцерціся махровым ручніком і надзець сухое адзенне,
пасля купання выпіць гарачую гарбату, лепш за ўсё з ягад, садавіны ці зёлак.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Еўфрасіння Полацкая: 10 цікавых фактаў пра першую беларускую асветніцу
Вуліца Мітрапаліта Філарэта можа з'явіцца яшчэ ў адным беларускім горадзе
БПЦ і Чырвоны крыж упершыню падпісалі пагадненне аб супрацоўніцтве
