У Беларусі з’явіцца яшчэ адна латарэя – гульня ў марскі бой

© Sputnik / Виктор ТолочкоМіністэрства спорту і турызму Рэспублікі Беларусь
Міністэрства спорту і турызму Рэспублікі Беларусь - Sputnik Беларусь, 1920, 21.01.2023
Падпісацца на
НовостиTelegram
Латарэя будзе электроннай, каб стаць яе ўдзельнікам, трэба праз спецыяльны дадатак або сайт зрабіць стаўку. Пераможцу абяцаюць буйны выйгрыш.
МІНСК, 21 сту – Sputnik. Мінспорту заснавала яшчэ адну рэспубліканскую латарэю – "Марскі бой", пастанова аб гэтым з’явілася на Нацыянальным прававым інтэрнэт-партале.
Мэтай правядзення латарэі называюць "атрыманне дадатковых грашовых сродкаў на развіццё фізічнай культуры і спорту, у тым ліку алімпійскага і паралімпійскага руху".
Розыгрыш будзе праводзіцца ў электронным выглядзе. Каб стаць удзельнікам, трэба зрабіць безнаяўную стаўку на сайце арганізатара латарэі або праз спецыяльны дадатак.
Прызавы фонд кожнай серыі латарэі будзе складаць ад 45 да 95 працэнтаў ад агульнага аб’ёму прынятых ставак. У латарэі разыгрываюцца як грашовыя, так і маёмасныя прызы.

Правілы гульні

Пасля здзяйснення стаўкі на экране ўдзельніка паказваецца графічны інтэрфейс поля – гульні ў марскі бой.
Гульнявая зона складаецца з мноства клетак, у якіх размяшчаецца карабельны флот – яны закрытыя. Каб атрымаць прыз, удзельніку неабходна з дзвюх спроб "падбіць" ці "знішчыць" карабель. Для гэтага трэба клікнуць адну з клетак або крануць яе пальцам.
Карабель можа быць чатырохпалубным, які складаецца з чатырох клетак, трохпалубным, двухпалубным і аднапалубным. На гульнявым полі таксама размешчаны міна і выратавальны круг: міна азначае канец гульні, выратавальны круг дае яшчэ адну спробу.
Калі гулец не трапіў у карабель з двух спроб, латарэйная стаўка прызнаецца невыйгрышнай і гульня спыняецца. Калі ўдзельнік латарэі патрапіў у карабель з двух спроб, латарэйная стаўка прызнаецца выйгрышнай. Пры частковым пападанні гульцу выплачваецца частка выйгрышу.
Тэрмін выплаты выйгрышаў – не пазней за 30 дзён.
Нагадаем, напярэдадні Мінспорту анансавала правядзенне яшчэ дзвюх латарэй – "Свая гульня" і "Шкляны мост". На дадзены момант у Дзяржрэестры 31 латарэя, некаторыя з іх праводзяцца яшчэ з 90-х гадоў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Знайшоўся беларус, які сарваў рэкордны джэкпот амаль у 2 мільёны долараў
Падманула смерць: брытанка выйграла £ 61 млн пасля выдалення пухліны
Беларуска выйграла ў лато $ 230 тыс: частку грошай аддам за крэдыт
Стужка навiн
0