Беларусі патрэбен свой электрамабіль – Галоўчанка

© Sputnik / Виктор ТолочкоАдна з апошніх распрацовак - спартыўны электракар па тыпе родстэра
Адна з апошніх распрацовак - спартыўны электракар па тыпе родстэра - Sputnik Беларусь, 1920, 25.01.2023
Падпісацца
Паводле слоў кіраўніка ўрада, беларускія вучоныя і прамысловы сектар добра папрацавалі над стварэннем грузавога і пасажырскага электратранспарту, аднак у пытанні стварэння легкавога электракара трэба яшчэ шмат працы.
МІНСК, 25 сту – Sputnik. Трэба выходзіць на рэальныя тэрміны па стварэнні айчыннага электрамабіля, заявіў прэм’ер-міністр Раман Галоўчанка, наведваючы ў сераду Белкамунмаш, перадае карэспандэнт Sputnik.
Ён нагадаў, што комплексная праграма па развіцці электратранспарту працуе ў краіне ўжо трэці год.
"Мяркуючы па справаздачах выканаўцаў, мерапрыемствы праграмы ў цэлым выконваюцца", - адзначыў кіраўнік Саўміна.
Прэм’ер засяродзіў увагу на рэальных тэрмінах стварэння айчыннага легкавога аўтамабіля. Ён нагадаў, што такая задача ставілася раней прэзідэнтам.
© Sputnik / Станислав ЛобатыйПрэм'ер-міністр Раман Галоўчанка наведвае Белкамунмаш
Премьер-министр Роман Головченко посещает Белкоммунмаш - Sputnik Беларусь, 1920, 25.01.2023
Прэм'ер-міністр Раман Галоўчанка наведвае Белкамунмаш
"Зроблена шмат папярэдняй працы, але хацелася б вызначыцца па форме выхаду непасрэдна электрамабіляў", - падкрэсліў Галоўчанка.
Паводле яго слоў, калі ў грузапасажырскім электратранспарце ёсць ужо істотны вынік, выпушчаны доследныя ўзоры, частка з іх знаходзіцца ў вопытна-прамысловай эксплуатацыі, то па частцы легкавога электратранспарту трэба яшчэ шмат работы.

"Праведзена значная навукова-даследчая праца, створана шмат элементаў сілавой устаноўкі, электраабсталяванне. Але яшчэ раз паўтараю: гэта ўсё трэба сабраць разам і выйсці на канцэптуальнае рашэнне па стварэнні айчыннага электрамабіля", - канстатаваў ён.

Прэм’ер на Белкамунмашы

Раман Галоўчанка ў сераду, 25 студзеня, наведаў прадпрыемства Белкамунмаш, дзе выпускаюць тралейбусы, трамваі і электробусы. Адзін з галоўных пунктаў праверкі – прагрэс стварэння "антысанкцыйных" электробусаў з беларускіх, расійскіх і кітайскіх камплектуючых.
Прэм’еру паказалі некалькі новых мадэлей электробусаў на этапе зборкі, якія раней заказалі Масква, Санкт-Пецярбург і іншыя рэгіёны РФ.
© Sputnik / Станислав ЛобатыйПрэм'ер-міністр Раман Галоўчанка наведвае Белкамунмаш
Премьер-министр Роман Головченко посещает Белкоммунмаш - Sputnik Беларусь, 1920, 25.01.2023
Па словах гендырэктара БКМ Тараса Мурога, Расія ў ліку ключавых кліентаў прадпрыемства. Таксама праяўляе цікавасць Казахстан.
"Асаблівым попытам карыстаецца тралейбус з павялічаным аўтаномным ходам, таксама ёсць інтарэсы да электробусаў. Кантрактамі ў нас забяспечана тры чвэрці гэтага года і вядуцца перагаворы па чацвёртым квартале. Попыт на тэхніку высокі, мы для сябе ставім мэту – 160% адносна мінулага года. Задача такая – выпусціць 300 адзінак тэхнікі сумесна – тралейбусы, трамваі, электробусы", - адзначыў дырэктар.
Ён прызнаўся, што мінулы год быў цяжкім для прадпрыемства: у сувязі з санкцыямі ад многіх камплектацый, у асноўным еўрапейскіх, прыйшлося адмовіцца і шукаць альтэрнатывы. Так з’явіўся антысанкцыйны электробус, які складаецца з кітайскіх, расійскіх і беларускіх элементаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Празрысты тэлевізар і не толькі: выстава высокіх тэхналогій у Мінску – фота
Пархомчык расказаў аб беларуска-расійскім легкавым аўтамабілі
Толькі з канвеера: як выглядае новенькі "Москвич"
Стужка навiн
0