Лукашэнка адправіўся ў замежнае турнэ

© Photo : Telegram / Пул первогоСамалёт Аляксандра Лукашэнкі
Самалёт Аляксандра Лукашэнкі - Sputnik Беларусь, 1920, 25.01.2023
Падпісацца
Лукашэнка атрымаў запрашэнне наведаць ААЭ і Зімбабвэ ад кіраўніцтва гэтых краін.
МІНСК, 25 сту – Sputnik. Прэзідэнт Беларусі Аляксандр Лукашэнка вылецеў у Аб’яднаныя Арабскія Эміраты, паведаміў Telegram-канал "Пул Першага".
Удакладняецца, што запрашэнне ён атрымаў ад кіраўніцтва гэтай краіны. Таксама ў планах – візіт у Зімбабвэ, куды Лукашэнку запрасіў прэзідэнт гэтай афрыканскай дзяржавы.
У беларускага лідара ў гэтых краінах намечаны шэраг сустрэч і перагавораў.

Беларусь і Зімбабвэ

Нагадаем, што першы візіт у Беларусь высокага ўзроўню адбыўся ў 2011 годзе, калі віцэ-прэзідэнт Зімбабвэ Джошуа Нкома наведаў Мінск.
З 2015 года двухбаковыя кантакты значна актывізаваліся: дэлегацыі абедзвюх краін неаднаразова наведвалі Мінск і Харарэ.
У студзені 2019 года адбыўся першы афіцыйны візіт прэзідэнта Зімбабвэ Эмерсана Мнангагвы ў Беларусь. У рамках гэтага візіту адбыўся шэраг афіцыйных мерапрыемстваў, у тым ліку і сустрэча з кіраўніком беларускай дзяржавы.
У ліпені 2022-га Беларусь адкрыла ў Зімбабве сваё прадстаўніцтва.

Беларусь і ААЭ

Аляксандр Лукашэнка быў з візітам у ААЭ у лістападзе 2019 года. За гэты час ён правёў шэраг сустрэч з кіраўніцтвам Эміратаў. У час мерапрыемстваў кіраўніка дзяржавы суправаджалі сыны Віктар і Мікалай.
У верасні таго ж года ў Беларусі з візітам быў наследны прынц Абу-Дабі, намеснік Вярхоўнага галоўнакамандуючага Узброенымі сіламі ААЭ шэйх Мухамед бен Заід аль-Нахаян. Арабскія інвестары – частыя госці ў Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка абмеркаваў з арабскім інвестарам будаўніцтва "Паўночнага берага"
Лукашэнка: ва ўмовах санкцый трэба супрацоўнічаць з іншымі краінамі
Сустрэча з алмазнай кампаніяй з Зімбабвэ прайшла ў Мінпраме Беларусі
Стужка навiн
0