Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Маладыя навукоўцы Беларусі і РФ будуць задаваць тэндэнцыі ў навуцы – Грызлоў

© Sputnik / Виктор ТолочкоПасол РФ Барыс Грызлоў на Кангрэсе маладых вучоных у НАН Беларусі
Пасол РФ Барыс Грызлоў на Кангрэсе маладых вучоных у НАН Беларусі - Sputnik Беларусь, 1920, 29.03.2023
Падпісацца
Вынікі даследаванняў вучоных дзвюх краін паспяхова ўкараняюцца ў розных галінах эканомікі, пачынаючы з прамысловасці і заканчваючы IT-сектарам Саюзнай дзяржавы.
МІНСК, 29 сак – Sputnik. Маладыя беларускія і расійскія вучоныя будуць задаваць тэндэнцыі ў навуцы, заявіў пасол РФ у Беларусі Барыс Грызлоў.
Кангрэс маладых вучоных пачаў сёння сваю работу ў Мінску.
"Кангрэс маладых вучоных Расіі і Беларусі – не проста знакавае мерапрыемства па лініі навукова-тэхнічнага супрацоўніцтва нашых краін. Сённяшні форум ставіць перад навуковай супольнасцю Саюзнай дзяржавы канкрэтныя практычныя задачы па стымуляванні новых даследаванняў, стварэнні спрыяльных умоў для ажыццяўлення інавацыйных перспектыўных распрацовак у ключавых галінах – ад фізікі да фармацэўтыкі. Вынікі гэтых пошукаў знаходзяць сваё прымяненне ў рэальным сектары эканомікі Расіі і Беларусі, укараняюцца ў прамысловасці, IT-галіне і сельскай гаспадарцы, паскараюць працэсы імпартазамяшчэння, а ў канчатковым рахунку дазволяць нам забяспечыць тэхналагічны суверэнітэт", - сказаў Грызлоў.
Ён адзначыў важнасць удзелу ў гэтай маштабнай рабоце маладых даследчыкаў – людзей, якія ў бліжэйшыя гады будуць задаваць тэндэнцыі развіцця нашай навукі.
"Мы цудоўна разумеем, што высокія тэхналогіі – гэта фундамент эканомікі Саюзнай дзяржавы. Нагадаю, што 27 сакавіка па выніках пасяджэння Савета Міністраў Саюзнай дзяржавы было падпісана міжурадавае Пагадненне аб навукова-тэхнічным і інавацыйным супрацоўніцтве, якое надасць новы імпульс нашаму ўзаемадзеянню ў гэтай сферы. Ужо зараз вядуцца работы ў рамках 20 сумесных праектаў у самых запатрабаваных галінах. Размова ідзе ў першую чаргу аб машынабудаванні і электроніцы. Пры гэтым мы пашыраем гарызонт планавання і гаворым ужо не проста аб правядзенні сумесных прыкладных даследаванняў, але і аб рэалізацыі маштабных праектаў узроўню "мегасайенс". Сведчанне таму – адкрыццё філіяла Расійскага Нацыянальнага даследчага цэнтра "Курчатовский институт", якое адбудзецца сёння на базе Нацыянальнай акадэміі навук Беларусі", - сказаў Грызлоў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Кангрэс маладых вучоных пачаў сваю працу ў Мінску
Гусакоў выказаў меркаванне, пра што будзе ісці размова ў пасланні Лукашэнкі ў пятніцу
Празрысты тэлевізар і не толькі: выстава высокіх тэхналогій у Мінску – фота
Стужка навiн
0