https://bel.sputnik.by/20230608/us-bolsh-banka-belarus-peravodzyats-valyutnyya-razlk-mastercard-na-yuan-1076420886.html
Усё больш банкаў Беларусі пераводзяць валютныя разлікі Mastercard на юані
Усё больш банкаў Беларусі пераводзяць валютныя разлікі Mastercard на юані
Sputnik Беларусь
Раней разлікі па картах вядомай міжнароднай сістэмы ў шэрагу выпадкаў ішлі праз долары ці еўра, але ўжо як мінімум чатыры банкі адмовіліся ад гэтага. 08.06.2023, Sputnik Беларусь
2023-06-08T13:22+0300
2023-06-08T13:22+0300
2023-06-08T13:22+0300
валюта
юань
банк
у беларусі
беларусь
грамадства
эканоміка
навіны
https://cdnn11.img.sputnik.by/img/07e6/03/11/1061388485_0:9:3072:1737_1920x0_80_0_0_20b4b123b5586042a2eb50d18b8ee798.jpg
МІНСК, 8 чэр – Sputnik. Некалькі банкаў у Беларусі змянілі прынцыпы разлікаў з дапамогай карт Mastercard, вынікае з паведамленняў гэтых кампаній.Упершыню кампанія з першай групы сістэмна значных банкаў Беларусі перайшла з заходняй валюты на юані ў разліках па картах Mastercard. З чацвярга 8 чэрвеня гэта зрабіў Белаграпрамбанк, які па аб’ёмах бізнесу можна назваць другім па велічыні на беларускім рынку.Размова ідзе менавіта аб такіх транзакцыях, калі трэба плаціць не ў той валюце, пад якую выпушчана карта. Або гэта разлікі ў замежнай валюце на карысць замежных кампаній, а таксама ў Беларусі, але не ў беларускіх рублях. Напрыклад, калі карта Mastercard выпушчана ў беларускіх рублях, і трэба заказаць тавар у замежнай інтэрнэт-краме.Раней Белаграпрамбанк праводзіў такія транзакцыі праз долары, а зараз пералік будзе праз юані.Вясной гэтага года падобныя крокі зрабілі банкі з другой групы значнасці: Белгазпрамбанк і Альфа-Банк.Першы адмовіўся ад еўра на карысць кітайскай валюты, а другі паменшыў ролю долара. Гэта значыць, да прыкладу, па "альфаўскіх" рублёвых картах Mastercard пры разліках за мяжой пералік усё роўна спачатку ідзе ў доларах, але потым сума пераводзіцца ў юані, а з іх ужо ў рублі па курсе банка.Акрамя згаданых банкаў карты Mastercard адвязаў ад заходняй валюты і БНБ-Банк, які не ўваходзіць у спісак сістэмна значных. Ён таксама зрабіў выбар на карысць юаня як валюты-пасрэдніка ў красавіку 2023 года.Заняпад MastercardУ мінулым годзе з-за санкцый у Беларусі карты MasterCard і Visa прыкметна саступілі па папулярнасці сістэме "Белкарт", якая шмат у чым спалучана з расійскай "МИР".Нацбанк больш не дае падрабязнай статыстыкі па эмісіі карт у краіне. Але супастаўленне ўсіх адкрытых даных паказвае, што за ўвесь мінулы год эмісія Visa, MasterCard і UnionPay склала 578 тыс штук. Гэта значна менш, чым раней. У 2021 годзе было выпушчана 177 тыс карт MasterCard, 766 тыс – Visa, а таксама 5,7 тыс – UnionPay.На фоне яўнага падзення заходніх сістэм выпуск "Белкарт" перавысіў мільён штук. Тым не менш, MasterCard не збіраецца сыходзіць з рынку Беларусі і перыядычна праводзіць розныя маркетынгавыя кампаніі (у тым ліку разам з банкамі), каб прыцягваць кліентаў.>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"Чытайце таксама:
беларусь
Sputnik Беларусь
media@sputniknews.com
+74956456601
MIA „Rosiya Segodnya“
2023
Sputnik Беларусь
media@sputniknews.com
+74956456601
MIA „Rosiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rosiya Segodnya“
Sputnik Беларусь
media@sputniknews.com
+74956456601
MIA „Rosiya Segodnya“
валюта, юань, банк, у беларусі, беларусь, грамадства, эканоміка, навіны
валюта, юань, банк, у беларусі, беларусь, грамадства, эканоміка, навіны
Усё больш банкаў Беларусі пераводзяць валютныя разлікі Mastercard на юані
Раней разлікі па картах вядомай міжнароднай сістэмы ў шэрагу выпадкаў ішлі праз долары ці еўра, але ўжо як мінімум чатыры банкі адмовіліся ад гэтага.
МІНСК, 8 чэр – Sputnik. Некалькі банкаў у Беларусі змянілі прынцыпы разлікаў з дапамогай карт Mastercard, вынікае з паведамленняў гэтых кампаній.
Упершыню кампанія з першай групы сістэмна значных банкаў Беларусі перайшла з заходняй валюты на юані ў разліках па картах Mastercard. З чацвярга 8 чэрвеня гэта зрабіў Белаграпрамбанк, які па аб’ёмах бізнесу можна назваць другім па велічыні на беларускім рынку.
Размова ідзе менавіта аб такіх транзакцыях, калі трэба плаціць не ў той валюце, пад якую выпушчана карта. Або гэта разлікі ў замежнай валюце на карысць замежных кампаній, а таксама ў Беларусі, але не ў беларускіх рублях. Напрыклад, калі карта Mastercard выпушчана ў беларускіх рублях, і трэба заказаць тавар у замежнай інтэрнэт-краме.
Раней Белаграпрамбанк праводзіў такія транзакцыі праз долары, а зараз пералік будзе праз юані.
Вясной гэтага года падобныя крокі зрабілі банкі з другой групы значнасці: Белгазпрамбанк і Альфа-Банк.
Першы адмовіўся ад еўра на карысць кітайскай валюты, а другі паменшыў ролю долара. Гэта значыць, да прыкладу, па "альфаўскіх" рублёвых картах Mastercard пры разліках за мяжой пералік усё роўна спачатку ідзе ў доларах, але потым сума пераводзіцца ў юані, а з іх ужо ў рублі па курсе банка.
Акрамя згаданых банкаў карты Mastercard адвязаў ад заходняй валюты і БНБ-Банк, які не ўваходзіць у спісак сістэмна значных. Ён таксама зрабіў выбар на карысць юаня як валюты-пасрэдніка ў красавіку 2023 года.
У мінулым годзе з-за санкцый у Беларусі карты MasterCard і Visa прыкметна саступілі па папулярнасці сістэме "Белкарт", якая шмат у чым спалучана з расійскай "МИР".
Нацбанк больш не дае падрабязнай статыстыкі па эмісіі карт у краіне. Але супастаўленне ўсіх адкрытых даных паказвае, што за ўвесь мінулы год эмісія Visa, MasterCard і UnionPay склала 578 тыс штук. Гэта значна менш, чым раней. У 2021 годзе было выпушчана 177 тыс карт MasterCard, 766 тыс – Visa, а таксама 5,7 тыс – UnionPay.
На фоне яўнага падзення заходніх сістэм выпуск "Белкарт" перавысіў мільён штук. Тым не менш, MasterCard не збіраецца сыходзіць з рынку Беларусі і перыядычна праводзіць розныя маркетынгавыя кампаніі (у тым ліку разам з банкамі), каб прыцягваць кліентаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" Лукашэнка:
увядзенне адзінай валюты з Расіяй – пытанне не сённяшняга дня
Беларусы з пачатку года
купілі валюты больш, чым здалі
