Андрэйчанка: у адносінах да Беларусі вядзецца гібрыдная вайна
13:07 30.06.2023 (абноўлена: 13:36 30.06.2023)
© Sputnik / Виктор Толочко
Падпісацца
Асаблівая ўвага на дзевятай сесіі Палаты прадстаўнікоў была ўдзелена забеспячэнню нацыянальнай бяспекі.
МІНСК, 30 чэр – Sputnik. Недружалюбныя сілы разгарнулі ў адносінах да Беларусі гібрыдную вайну і выкарыстоўваюць усе метады, заявіў старшыня Палаты прадстаўнікоў Нацыянальнага сходу Беларусі Уладзімір Андрэйчанка.
Сёння прайшло закрыццё дзевятай сесіі Палаты прадстаўнікоў Нацыянальнага сходу Рэспублікі Беларусь сёмага склікання.
"У адносінах да нашай краіны вядзецца гібрыдная вайна, мэтай якой з’яўляецца разбурэнне дзяржаўнасці і нацыянальнай ідэнтычнасці. Задзейнічаны ўвесь арсенал сродкаў – ад інфармацыйнага націску да эканамічнага ўдушэння", - заявіў старшыня Палаты прадстаўнікоў Нацыянальнага сходу Беларусі Уладзімір Андрэйчанка на закрыцці сесіі.
Андрэйчанка падкрэсліў, што з улікам сучасных рэалій асаблівая ўвага на сесіі была ўдзелена забеспячэнню нацыянальнай бяспекі ва ўсіх яе аспектах, як у палітычным, так і ў абаронным, эканамічным.
У сувязі з гэтым ён нагадаў, што быў прыняты закон аб народным апалчэнні, які дасць магчымасць узмацніць абараназдольнасць дзяржавы ў складаны для краіны час.
Бяспека і аўтарытэт Беларусі
Гаворачы аб умацаванні бяспекі, Андрэйчанка адзначыў, што гэта, у тым ліку і эканоміка. Паводле яго слоў, эканоміка ва ўмовах, калі ў адносінах да краіны развязана гібрыдная вайна, павінна быць "гнуткай, устойлівай, самадастатковай". Таму, адзначыў спікер Ніжняй палаты, "асаблівы акцэнт быў зроблены на падтрымку нацыянальнага бізнесу і абароне працоўных калектываў".
Андрэйчанка таксама закрануў міжнародную тэму. Паводле яго слоў, у сучасных умовах вырас аўтарытэт Беларусі на міжнароднай арэне.
"Міжнародныя пазіцыі Беларусі нават умацаваліся. Адным з яркіх пацвярджэнняў гэтаму стане атрыманне Беларуссю статусу паўнапраўнага члена ШАС", - сказаў ён.
Таксама Андрэйчанка адзначыў важнасць саюзнай інтэграцыі з Расіяй.
"Цяпер з поўнай упэўненасцю можна гаварыць, што дзякуючы прынятым мерам, у тым ліку і па лініі Парламенцкага Сходу Саюза Беларусі і Расіі, саюзнае будаўніцтва выходзіць на якасна новы ўзровень", - сказаў ён.
Кіраўнік Ніжняй палаты беларускага парламента нагадаў, што хутка ў Беларусі пройдзе выбарчая кампанія.
У фінале свайго выступлення Андрэйчанка павіншаваў дэпутацкі корпус з надыходзячым дзяржаўным святам Днём Незалежнасці.
"Гэты дзень мае сакральны сэнс для ўсіх, хто прысвяціў сваё жыццё служэнню Радзіме", - сказаў ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
ЗША развязалі татальную гібрыдную вайну супраць РФ на яе тэрыторыі – Антонаў
Пасольства РФ: Масква і Мінск маюць права прымаць меры ў ваенна-ядзернай сферы
Украіна толькі падстава: Лукашэнка назваў сапраўдныя мэты заходніх стратэгаў
