Боевая подготовка артиллеристов Южной группировки войск - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Лукашэнка: Прыгожына няма на тэрыторыі Беларусі

© Sputnik / Елена КопыловаЗаснавальнік прыватнай ваеннай кампаніі "Вагнер" Яўген Прыгожын
Заснавальнік прыватнай ваеннай кампаніі Вагнер Яўген Прыгожын - Sputnik Беларусь, 1920, 06.07.2023
Падпісацца
Байцы ПВК "Вагнер", паводле інфармацыі Аляксандра Лукашэнкі, зараз знаходзяцца ў сваіх лагерах.
МІНСК, 6 ліп – Sputnik. Кіраўніка ПВК "Вагнер" Яўгена Прыгожына няма на тэрыторыі Беларусі, паведаміў у чацвер беларускі лідар Аляксандр Лукашэнка на сустрэчы з журналістамі ў Палацы Незалежнасці.
Нагадаем, у мінулы аўторак, 27 чэрвеня, Аляксандр Лукашэнка пацвердзіў, што Яўген Прыгожын знаходзіцца ў Беларусі. Пра гэта ён расказаў падчас цырымоніі ўручэння пагонаў вышэйшаму афіцэрскаму складу.
"Гэта кампанія расійская. Таму пытанне відавочна не да мяне. Наколькі я інфармаваны, байцы знаходзяцца ў сваіх лагерах. Што датычыцца Прыгожына, ён знаходзіцца ў Піцеры. На тэрыторыі Беларусі яго няма", - заявіў Аляксандр Лукашэнка.
Пасля чаго дадаў, што дзе Прыгожын сёння раніцай, ён не ведае: "Можа, з раніцы ў Маскву паехаў…"
Што да байцоў ПВК і іх месца знаходжання, то, паводле інфармацыі Аляксандра Лукашэнкі, зараз яны знаходзяцца ў сваіх лагерах.
"У пастаянных лагерах, дзе яны знаходзіліся пасля вываду з фронту на аднаўленне", - растлумачыў беларускі лідар.
Пасля чаго адзначыў, што не адчувае турботы наконт таго, што ў Беларусі будзе размешчана нейкая колькасць байцоў.
"Калі іх трэба будзе задзейнічаць, мы іх задзейнічаем імгненна", - аргументаваў ён, дадаўшы, што назапашаныя вагнераўцамі на фронце веды будуць выкарыстоўвацца "для падрыхтоўкі".

Што здарылася 24 чэрвеня

У ноч на суботу, 24 чэрвеня, ПВК "Вагнер" захапілі штаб Паўднёвай ваеннай акругі ў Растове-на-Доне. Гэта здарылася на фоне заявы кіраўніка групы "Вагнер" Яўгена Прыгожына аб нібыта нанесеных расійскімі Узброенымі сіламі ўдарах па тылавых лагерах ваеннай кампаніі. У Мінабароны Расіі гэтую інфармацыю абверглі. У дачыненні да Прыгожына была ўзбуджана крымінальная справа аб арганізацыі ўзброенага мяцяжу, аднак пазней 27 чэрвеня ФСБ спыніла справу.
Прэзідэнт Расіі Уладзімір Пуцін выступіў са зваротам да расіян, у якім назваў дзеянні мяцежнікаў злачыннай авантурай і здрадніцтвам, да якога прывялі асабістыя інтарэсы і празмерныя амбіцыі.
Прэзідэнт Беларусі Аляксандр Лукашэнка па ўзгадненні з Пуціным правёў перагаворы з Прыгожыным. Лукашэнка здолеў пераканаць кіраўніка ПВК "Вагнер" спыніць эскалацыю сітуацыі. Прыгожын атрымаў гарантыі, што супраць яго не будзе весціся крымінальнае праследаванне.
Пазней Пяскоў паведаміў, што Прыгожын можа бесперашкодна з’ехаць на тэрыторыю Беларусі.
Расійскі прэзідэнт даў высокую ацэнку намаганням беларускага калегі па ўрэгуляванні і дээскалацыі сітуацыі вакол прыватнай ваеннай кампаніі.
Пазней, 26 чэрвеня, Пуцін зноў выступіў са зваротам і растлумачыў, што ў "вагнераўцаў" ёсць тры варыянты: прадоўжыць службу ў арміі ці іншай сілавой структуры РФ, вярнуцца дадому або адправіцца ў Беларусь.
"Мы ім прапанавалі адну з закінутых частак. Калі ласка – плот ёсць, усё ёсць. Стаўце палаткі. Чым можам, дапаможам. Пакуль што вызначацца, чым ім займацца", - растлумачыў Лукашэнка 27 чэрвеня.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Пяскоў пракаменціраваў магчымасць узнагароджання Лукашэнкі
"Вагнераўцам" у Беларусі прапанавалі закінутую часць – прэзідэнт
Лукашэнка раскрыў дэталі перагавораў з Прыгожыным
Стужка навiн
0