Другія Гульні краін СНД урачыста адкрыліся ў Мінску
17:42 05.08.2023 (абноўлена: 19:55 05.08.2023)
© Sputnik
Падпісацца
Спаборніцтвы ў рамках міжнароднага спартыўнага форуму, уваход на якія бясплатны, пройдуць на арэнах 11 гарадоў Беларусі.
МІНСК, 5 жні – Sputnik. Цырымонія адкрыцця ІІ Гульняў краін СНД адбылася сёння ў беларускай сталіцы на "Мінск-Арэне", перадае карэспандэнт Sputnik.
Яркае відовішча назіралі ўдзельнікі, госці і аматары спорту.
Нагадаем, на Другія Гульні краін СНД у Беларусь прыехалі спартыўныя дэлегацыі з 22 дзяржаў, агульная колькасць атлетаў склала больш за 2 тысячы чалавек.
Першымі на арэну пад песню "Час моцных і смелых" выйшлі танцоры і артысты ў нацыянальных беларускіх касцюмах.
Пасля яркага музычна-харэаграфічнага пачатку на арэне з'явіліся шасцёра знакамітых беларускіх атлетаў: Яніна Правалінская-Карольчык, Юлія Несцярэнка, Андрэй Барбашынскі, Іван Літвіновіч, Кацярына Карстэн, Аляксандр Майсека. Яны ўзнялі беларускі дзяржаўны сцяг і флаг краін СНД.
Затым з прамовай выступіў прэзідэнт Беларусі Аляксандр Лукашэнка і аб'явіў II Гульні краін СНД адкрытымі.
Пасля гэтага пачаўся парад спартыўных дэлегацый. Першымі перад гледачамі з'явіліся спартсмены з Азербайджана. Неўзабаве з'явілася і беларуская дэлегацыя, якая была сустрэта асаблівым усплёскам апладысментаў у зале.
Потым на "Мінск-Арэне" пачалася канцэртная частка адкрыцця II Гульняў краін СНД. Эфектным нумарам стала "лунанне" трох гімнастаў пад купалам сярэбранага шара. Гледачы з заміраннем сэрца назіралі за гэтым дзеяннем. Пасля прагучала клятва спартсменаў і суддзяў.
У адзін момант на сцэне з'явілася юная гімнастка Аляксандра Зубовіч у суправаджэнні прызёра чэмпіянатаў свету і Еўропы па мастацкай гімнастыцы Анастасіі Салас і галоўнага трэнера нацыянальнай каманды Беларусі па самба Юрыя Рыбака. Менавіта юнай зорачцы даверылі запаліць Агонь Гульняў.
У некалькіх нумарах на сцэне з'явіліся артысты ў нацыянальных строях краін-удзельніц Гульняў. Гэта надало мерапрыемству яшчэ большую сілу.
Пад "заслону" спартыўнага свята на арэне з'явіўся талісман Гульняў – Рысік.
Цырымонія адкрыцця II Гульняў краін СНД на "Мінск-Арэне"
© Sputnik / Сергей Пушкин
Ён танцаваў з юнымі спартсменамі. Пасля заканчэння цырымоніі ён накіраваўся ў глядзельную залу. І дарослыя, і дзеці не давалі яму прайсці – кожны хацеў зрабіць фота на памяць.
Эмоцыі і ўражанні
Як перадае карэспандэнт Sputnik, многія гледачы пасля завяршэння цырымоніі адкрыцця ІІ Гульняў краін СНД, якая доўжылася гадзіну, не спяшаліся пакінуць "Мінск-Арэну". Прычым прыйшлі сюды і цэлымі сем'ямі, а нехта з калегамі па працы.
Затрымаўшыся на кубачак гарбаты ў фае, яны ажыўлена абмяркоўвалі ўбачанае і адзначалі маштабнасць цырымоніі і добрую яе арганізацыю.
"Я сёння тут са сваёй унучкай Евай. Сама з'яўляюся кандыдатам у майстры спорту па валейболе. Усё вельмі прыгожа – проста свята душы. Абавязкова будзем хварэць за спартсменаў, пойдзем на спаборніцтвы па валейболе і іншыя", - падзялілася меркаваннем Людміла Зарэцкая.
Кацярына Зарэцкая прыйшла на "Мінск-Арэну" разам са сваёй унучкай Евай
© Sputnik / Екатерина Воробьева
Пасля яркай цырымоніі ў цудоўным настроі знаходзіліся і работнікі культуры, якія прыехалі з Брэсцкай вобласці.
Работнікі культуры з Брэсцкай вобласці засталіся задаволены цырымоніяй адкрыцця II Гульняў краін СНД – "царыла сяброўства"
© Sputnik / Екатерина Воробьева
"Адкрыццё атрымалася маштабнае і вельмі прыгожае. У зале адчуваўся дух беларускага народа і панавала сяброўства", - сказалі жанчыны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Першае золата II Гульняў краін СНД узяла расіянка Рэгіна Шайдуліна
Спорт па-за палітыкай: Мезенцаў назваў II Гульні краін СНД знакавай падзеяй
Трэція Гульні краін СНД пройдуць у 2025 годзе ў Азербайджане
