Лукашэнка: Мінск і Тэгеран знаходзяцца пад беспрэцэдэнтным націскам
12:03 17.10.2023 (абноўлена: 14:29 17.10.2023)
© Photo : Пресс-служба президента Беларуси
Падпісацца
Беларускі лідар лічыць, што Беларусь і Іран павінны шчыльней супрацоўнічаць, каб супрацьстаяць выпадам Захаду.
МІНСК, 17 кас – Sputnik. Кіраўнік беларускай дзяржавы Аляксандр Лукашэнка і першы віцэ-прэзідэнт Ірана Махамад Мохбер абмеркавалі на сустрэчы ў Мінску двухбаковае супрацоўніцтва і міжнародную сітуацыю, паведамілі ў Telegram-канале "Пул Першага", блізкім да прэс-службы беларускага прэзідэнта.
"Вы ведаеце сітуацыю, у якой знаходзіцца Беларусь. Гэта прыкладна тая ж сітуацыя, у якой знаходзіцеся вы. Націск, які аказваецца на нашы дзяржавы, беспрэцэдэнтны", - адзначыў Лукашэнка.
Ён падкрэсліў, што Іран ужо навучыўся ў нейкай ступені супрацьстаяць гэтаму націску, у сувязі з гэтым іранскі вопыт вельмі важны для Беларусі.
Акрамя гэтага, беларускі лідар лічыць, што абедзве краіны павінны шчыльней працаваць адна з адной, каб супрацьстаяць выпадам Захаду.
Прэзідэнт Беларусі Аляксандр Лукашэнка 17 кастрычніка сустрэўся з першым віцэ-прэзідэнтам Ірана Махамадам Махберам
© Photo : Пресс-служба президента Беларуси
Лукашэнка нагадаў, што дамовіўся з прэзідэнтам Ірана аб выпрацоўцы плана дзеянняў як на бліжэйшую перспектыву, так і на многія гады наперад. Гэта павінна дапамагчы больш паспяховаму развіццю ўзаемнага тавараабароту і супрацоўніцтва дзвюх краін.
Першы віцэ-прэзідэнт Ірана Махамад Махбер
© Photo : Пресс-служба президента Беларуси
"Самае важнае і галоўнае, зыходзячы з вопыту адносін з Іранам, што вашай і нашай бюракратыі трэба навучыцца вельмі аператыўна працаваць. Калі мы аб нечым дамовіліся, гэта павінна быць выканана ў тэрмін. Самае галоўнае для нас – гэта не санкцыі і націск, а час. І час страціць у выніку бюракратычных перашкод нельга", - падкрэсліў прэзідэнт.
Ён адзначыў, што абстаноўка ў свеце абвастраецца.
"Блізкаўсходні крызіс садзейнічае таму, што недружалюбныя нам краіны – ЗША і Захад – пастаянна накіроўваюць вастрыё гэтага канфлікту супраць Ірана", - дадаў ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Пасол Ірана аб сітуацыі на Блізкім Усходзе і адносінах з Беларуссю
Іран шукае пляцоўку для вытворчасці сваіх машын у Беларусі
МЗС Беларусі: прэзідэнт Ірана гатоў нанесці візіт у адказ у Беларусь
