Камяні і кветкі: памяць вязняў Мінскага гета ўшанавалі ў беларускай сталіцы
© Sputnik / Виктор Толочко
Падпісацца
Усяго праз гета, якое было адно з найбуйнейшых у Еўропе, прайшлі больш за 100 тысяч чалавек.
МІНСК, 23 кас – Sputnik. Жалобнае мерапрыемства ў памяць 80-годдзя знішчэння нацыстамі ахвяр Мінскага гета прайшло каля мемарыяла "Яма".
У ім прынялі ўдзел былыя вязні гета, прадстаўнікі яўрэйскіх абшчын, Мінскага гарвыканкама, апарату ўпаўнаважанага па справах рэлігій і нацыянальнасцей, дыпламаты.
Да помніка ахвярам нацыстаў усклалі камяні, кветкі і вянкі. Таксама на мерапрыемстве былі агучаны імёны вязняў гета, якія былі нядаўна ўстаноўлены, – паводле яўрэйскай старажытнай традыцыі, пра чалавека памяць захоўваецца да таго часу, пакуль не забыта яго імя.
© Sputnik / Виктор Толочко
Рака крыві
На жалобным мітынгу выступіла былая вязніца Мінскага гета Фрыда Рэйзман, якая падзялілася ўспамінамі пра тыя жудасныя падзеі. Калі нацысты арганізавалі гета, Фрыда была маленькай дзяўчынкай – ёй было чатыры гады.
"Але я памятаю, як тут цякла рака крыві", - распавяла яна. Былая вязніца гета адзначыла, што ўспаміны пра тыя жахі, якія нацысты тварылі з яе народам, суправаджаюць усё жыццё. Пры гэтым яна асобную падзяку выказала беларускім праведнікам, якія хавалі яўрэйскіх дзяцей.
© Sputnik / Виктор Толочко
"Такога народа, як беларускі, больш няма. Беларусы, якія ратавалі яўрэйскіх дзяцей, – гэта нашы другія бацькі", - сказала яна.
У сваю чаргу часовы павераны ў справах Ізраіля ў Мінску Цві Міркін заявіў аб важнасці павагі да памяці аб ахвярах нацызму і генацыду. "Важна, каб такога больш ніколі не паўтарылася", - падкрэсліў ён.
Часовы павераны ў справах Ізраіля ў Мінску Цві Міркін
© Sputnik / Виктор Толочко
Кіраўнік Саюза беларускіх яўрэйскіх грамадскіх аб’яднанняў і абшчын Алег Рагатнікаў падзякаваў усім, хто прыйшоў да "Ямы".
Паводле яго слоў, да Вялікай Айчыннай вайны ў Беларусі пражывала больш за мільён яўрэяў, з якіх нацысты знішчылі 800 тысяч.
© Sputnik / Виктор Толочко
Пры гэтым Рагатнікаў падкрэсліў, што яўрэі гераічна змагаліся з нацыстамі ў акупіраваным Мінску, былі ў падполлі, ішлі ў партызаны. "Яны арганізоўвалі ўцёкі з гета, сыходзілі ў лясы, стваралі яўрэйскія партызанскія атрады", - падкрэсліў ён.
Упаўнаважаны па справах рэлігій і нацыянальнасцей пры Савеце міністраў Беларусі Аляксандр Румак падкрэсліў, што сёння каля мемарыяла "Яма" ўспамінаюць подзвіг людзей, якія не змірыліся з рабскім становішчам і працягвалі змагацца.
© Sputnik / Виктор Толочко
"Мінскае гета – напамін трагедыі ўсяго беларускага народа. Напамін аб тым, што кожны чалавек павінен ставіцца з павагай да іншага чалавека, незалежна ад таго, які ў яго колер вачэй, нацыянальнасць і веравызнанне", - сказаў ён.
Ускладанне кветак на мемарыяле Яма ў Мінску
© Sputnik / Виктор Толочко
Усяго праз Мінскае гета, якое было адно з найбуйнейшых у Еўропе, прайшлі больш за 120 тысяч чалавек, з іх больш за 105 тысяч загінулі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Забіты кожны другі жыхар: як Лёзненскі раён перажыў жахі акупацыі
Ліквідацыя гаўляйтара Вільгельма Кубэ – рэканструкцыя падзей у відэа
Сляды нямецкай акупацыі: бункеры і ДАКі ў Мінску
