Святочная акцыя "Калядныя забавы" пройдзе ў Цэнтральным батанічным садзе ў Мінску 6 студзеня. Такім чынам тэатр "Берсерк" працягвае і супрацоўніцтва з Батанічным садам, і цэлы шэраг калядных імпрэз у Беларусі ўжо ў новым 2018 годзе.
"На Калядах у Батсадзе будзе некалькі частак: музычная, інтэрактыўная, абрадавая. Абяцаем пастаноўку ад вясёлых калядоўшчыкаў: традыцыйныя калядкі з Казой, Цыганом, Зоркай і гэтак далей. Там жа будзе варажбітка, двое вядучых будуць пастаянна расказваць пра традыцыі свята", — распавёў Рак.
На Калядах выступяць вядомыя рок- і фолк-калектывы — "Harmonic Style Project", танцавальны калектыў "Саламея". Будзе арганізавана і вялікая фотазона з калядным сюжэтам. Арганізатары абяцаюць і спецыяльную калядную "паласу перашкод".
Пачнецца свята ў 12:30 6 студзеня, завершацца "Калядныя забавы" вялікім фаер-шоу бліжэй да 16:00. Арганізатары не настойваюць, але ім будзе прыемна, калі госці Батанічнага сада і тэатра "Берсерк" прыйдуць на свята ў адзенні з элементамі, традыцыйнымі для беларускіх Каляд.
Гутарку з Аляксандрам Ракам слухайце ў аўдыёзапісу радыё Sputnik Беларусь.