Баль сярэдзіны XIX стагоддзя адбыўся ў гомельскім Лялечным тэатры і сабраў рэканструктараў са ўсёй рэспублікі і нават з Расіі. Назва "Флірт кветак", якую атрымала мерапрыемства, невыпадковая – так называлася папулярная ў гэтыя часы гульня, у якую з задавальненнем згулялі госці, якія наведалі баль.
Кожная кветка, запісаная на адмысловай картке, нясе пасланне, расшыфраваць якое можа толькі той, каму яно адрасавана. Каб зрабіць камплімент або нават прызнацца ў каханні, дастаткова было шапнуць назву кветкі, і ўладальнік карткі разумел, што яму хочуць сказаць.
У апошні тыдзень у Беларусі ўсталявалася досыць гарачае надвор'е, але нягледзячы на спякоту, пары вальсіравалі, танцавалі польку і контрдансы, а ў перапынках ратаваліся ад духаты з дапамогай веераў і напояў.
Цяжэй за ўсё прыходзілася кавалерам: гістарычна склалася, што мужчын, якія танцуюць, заўсёды меньш, чым дам, таму ім прыходзілася танцаваць амаль без перапынку, каб ніводная з прыгажунь не сумавала на лаве каля сцяны.
У прыгожых сукенках дам ў гэты вечар панавалі блакітны і бэжавы колеры, кавалеры таксама былі апранутыя па модзе сярэдзіны XIX стагоддзя – у камізэлькі і фракі.
Скончыўся вечар папулярнай забаўкай таго часу – гульнёй у фанты. Фанту трэбы бало выканаць розныя заданні: напрыклад, станцаваць вальс з кавалерам, у якога блакітныя вочы, або стварыць сапраўдную жывую карціну.
Баль скончыўся а дзявятай гадзіне вечара, і госці, стомленыя, але задаволеныя, раз'ехаліся па дамах, каб яшчэ доўга ўспамінаць летні баль.
Чытайце таксама:
- Танцмайстар: калі ў вас ёсць дзве нагі і вы можаце імі рухаць - танцуйце!
- Эпоха, перакладзеная на мову тканіны і танца: як жыве сям'я рэканструктараў
- Падарожжа ў Галантнае стагоддзе здзейснілі мінскія рэканструктары
- Як прайшоў гарадскі баль у Лошыцкай сядзібе
- Шляхецкая ідылія ў гарадзенскім замку