МІНСК, 25 чэр - Sputnik. У беларускай сталіцы будуць рады расійскаму прэзыдэнту Уладзіміру Пуціну, сказаў намеснік міністра замежных спраў Беларусі Андрэй Дапкюнас.
"Мы цяпер працуем над падрыхтоўкай візіту на цырымонію закрыцця (II Еўрапейскіх гульняў - Sputnik), уключаючы візіт прэзідэнта Расіі, якога мы вельмі рады будзем бачыць", - адзначыў беларускі дыпламат.
Пры гэтым ён падкрэсліў, што ніякіх адмысловых дэталяў у візіце няма. Усё вызначаецца ў адпаведнасці з пажаданнямі кіраўнікоў дзяржаў, якія прыязджаюць у Мінск.
"З нашага боку нязменнай будзе максімальная ветлівасць і гасціннасць", - падсумаваў Андрэй Дапкюнас.
У мінулую пятніцу прэзідэнт Беларусі Аляксандр Лукашэнка падчас рабочай сустрэчы з расійскім прэм'ерам Дзмітрыем Мядзведзевым сказаў, што Мінск плануе наведаць Уладзімір Пуцін. Беларускі лідар удакладніў, што яго расійскага калегу чакаюць на закрыцці Еўрапейскіх гульняў.
У аўторак стала вядома, што прэзідэнт Расіі Уладзімір Пуцін прыняў запрашэнне Аляксандра Лукашэнкі наведаць закрыццё Еўрапейскіх гульняў.