МІНСК, 25 чэр - Sputnik. Прэзідэнт Расіі Уладзімір Пуцін прыняў запрашэнне беларускага лідара Аляксандра Лукашэнкі наведаць закрыццё Еўрапейскіх гульняў.
Тэлефонная размова Лукашэнкі і Пуціна адбылася сёння, паведамілі ў прэс-службе кіраўніка беларускай дзяржавы. Падчас размовы прэзідэнты таксама коратка абмеркавалі двухбаковы парадак дня.
Цырымонія закрыцця II Еўрапейскіх гульняў адбудзецца 30 чэрвеня на стадыёне "Дынама" ў Мінску. Пуцін не прысутнічаў на цырымоніі адкрыцця гульняў, якая адбылася 21 чэрвеня. Мерапрыемства наведаў прэм'ер-міністр Расіі Дзмітрый Мядзведзеў, з якім Лукашэнка напярэдадні цырымоніі правёў сустрэчу.
Пра тое, што расійскі прэзідэнт плануе наведаць закрыццё Еўрапейскіх гульняў, раней ужо заяўляў беларускі лідар. Ён дадаваў, што з расійскім калегам сустрэнецца і пагаворыць на розныя тэмы.
А ў ліпені адбудзецца яшчэ адна сустрэча двух прэзідэнтаў падчас Форуму рэгіёнаў, які пройдзе ў Санкт-Пецярбургу.
Чытайце таксама:
- Вынікі чацвёртага дня Еўрапейскіх гульняў: у спартсменаў Беларусі 4 медалі
- Прэзідэнт Таджыкістана наведае цырымонію закрыцця II Еўрапейскіх гульняў
- Што такое "21"? Як сустракалі расійскіх спартсменаў ля Дома Масквы - відэа
