Спаборніцтвы ў рамках II Еўрапейскіх гульняў праходзяць у Мінску з 21 па 30 чэрвеня, працягнуцца яны і ў пятніцу. Падчас маштабнай падзеі ў спаборніцтвах па розных дысцыплінах удзельнічаюць больш за чатыры тысячы спартсменаў з 50 краін Еўропы.
У медальным заліку зараз лідзіруюць Расія, Беларусь і Італія, акрамя іх у пяцёрцы апынуліся яшчэ Украіна і Грузія. Дарэчы, Беларусь да гэтага моманту ўжо заваявала больш за паўсотні медалёў.
Мультыспартыўнае свята ахапіла ўсю сталіцу Беларусі: забаўляльныя пляцоўкі працуюць у розных кропках горада. Асноўныя гулянні запланаваны ў фан-зонах каля Палаца спорту, "Мінск-Арэны" і "Чыжоўка - Арэны"; асобная лакацыя сустракае заўзятараў каманды Расіі.
Чытайце таксама:
- Багдановіч: столькі заўзятараў я не бачыў у сваім жыцці нідзе
- Міністр распавёў, што пабудавалі для студэнтаў да Еўрапейскіх гульняў
- Беларусь выдаткавала на Еўрапейскія гульні больш за 250 мільёнаў долараў