Фотафакт: як "Бабулі" ў Любані спявалі ды танчылі

Фестываль аўтэнтычнай песні "Бабулі" прайшоў у Любані на мінулых выхадных. Ён ладзіцца ўжо на працягу пяці гадоў, і кожны раз на новым месцы. Удзельнічаюць у ім гурты, якія спяваюць унікальныя для сваёй мясцовасці абрадавыя песні.

Фестываль аўтэнтычнай песні "Бабулі" прайшоў у Любані на мінулых выхадных

Паслухаць народныя песні сабралася поўная зала

У гэтым годзе да свята далучыліся не толькі спеўныя, але і танцавальныя гурты – гасцей фестываля сустракаў любаньскі гурт "Напарачка", удзельнічалі і яшчэ два калектывы, якія танчаць аўтэнтычныя беларускія танцы.

Да спеўных гуртоў далучыліся таксама танцавальныя

Выступілі з танцам і маленькія ўдзельнікі фестывалю

Вядома, у кожнага гурта свой рэпертуар, але абавязковым для ўдзельнікаў фестываля было праспяваць абрадавую песню, якая выконваецца ў іх мясцінах на вяселле.

Фестываль сабраў прыгажунь усіх узростаў

Яркія колеры восені вельмі пасуюць беларускім дзяўчатам

У рамках фестываля таксама можна было наведаць выставу "Вяселлейка па-Любанску" і ўбачыць старыя вясельныя фотаздымкі, вясельную атрыбутыку і вянкі, якія рэканструявала народны майстар Раіса Валькова.

Нездарма кажуць, што шчаслівая жанчына прыгожая ў любым узросце

У Любань з'ехаліся калектывы са ўсёй Беларусі

Таксама ў рамках выставы прайшла прэзентацыя здымкаў фатографа Sputnik Альфрэда Мікуса "Традыцыйная Любаньшчына" і аўдыёкнігі "Бяседныя песні" Сяргея Доўгушава і каманды "Традыцыя".

Пасля фестывалю ўдзельнікі зладзілі танцы на адкрытай пляцоўцы

Раённы фестываль аўтэнтычнай песні прайшоў у Беларусі ўжо ў пяты раз

На заканчэнне фэсту яго ўдзельнікі зладзілі танцавальную вечарыну на адкрытым паветры і чайны стол.

Чытайце таксама:

Падсілкавацца і пакрасавацца: як гулялі на Глушанскім хутарку

Смачна есці, мякка сесці: беларускія народныя прысмакі ў фотаздымках

У госці да радзімічаў: абрады старажытных славян аднавілі ў Радомлі