МІНСК, 5 ліпеня – Sputnik. Кіраўнік рэгіянальнай арганізацыі Аграрнага саюза Украіны Анатоль Ціхавод апублікаваў у сацсетцы відэа, дзе фермеры пазбаўляюцца ад чарэшні.
Кіраўнік запарожскага прадстаўніцтва патлумачыў, што прычына не ў завышанай цане, а ў адсутнасці попыту.
"Карысная ягада чарэшня нікому не патрэбна. Ніхто нават не таргуецца. Справа не ў кошце нават, проста ніхто не купляе, рынкі перанасычаныя, пакупніцкая здольнасць грамадзян Украіны вельмі нізкая, перапрацоўка працуе на канцэнтратах", - паведаміў Ціхавод.
Фермеры проста зразаюць ягады, яны падаюць на зямлю.
"Што рабіць фермерам? Дрэвы трэба вызваляць ад ураджаю, каб у наступным годзе разлічваць на ўраджай, які таксама можа апынуцца нікому не патрэбны", - такі подпісам ён суправадзіў відэа.
Дарэчы, мінскія рынкі ў гэты перыяд таксама перапоўненыя чарэшняй на любы густ і колер, малдаўская традыцыйна танней прывезенай з Узбекістана.
Чытайце таксама:
Што адбываецца з арганізмам, калі вы ядзіце чарніцы?
Нованароджанае дзіця неслі дадому з ягадамі: як на Беларусі збіралі журавіны
Для сапраўдных ласуноў: беларускія народныя стравы з ягад