МІНСК, 4 вер – Sputnik. Міжнародная арганізацыя грамадзянскай авіяцыі (ICAO) мае намер у лістападзе апублікаваць свае высновы па інцыдэнце з рэйсам Ryanair, але прамежкавыя вынікі могуць з'явіцца ўжо ў бліжэйшыя дні, пішуць нямецкія СМІ.
Інцыдэнт з самалётам авіякампаніі Ryanair здарыўся ў траўні 2021, калі з-за паведамлення аб падманным мініраванні яго пасадзілі ў мінскім аэрапорце.
На самалёце рэйсам Афіны-Вільнюс ляцелі экс-галоўны рэдактар інтэрнэт-рэсурсу NEXTA, прызнанага ў Беларусі экстрэмісцкім, Раман Пратасевіч і яго сяброўка, расіянка Сафія Сапега. Абодвух затрымалі, на іх у Беларусі заведзены "пратэстныя" крымінальныя справы. Пасля гэтага шэраг заходніх краін і Украіна ўвялі ў дачыненні да Беларусі "паветраныя санкцыі".
"Савет (ICAO - Sputnik), будзе праінфармаваны аб актуальным стане расследавання 13 верасня. Калі члены савета будуць згодны, тады ж прамежкавыя вынікі будуць і апублікаваны", - заявіў прадстаўнік ICAO, пры гэтым адзначаецца, што поўны даклад па інцыдэнце будзе апублікаваны ў лістападзе .
У Беларусі па выпадку з самалётам расследуецца крымінальная справа аб ілжывым мініраванні, а таксама створана міжведамасная камісія па расследаванні інцыдэнту.
Саміт ЕС прыняў палітычнае рашэнне забараніць беларускім авіякампаніям палёты ў Еўрасаюз, заклікаў авіякампаніі ЕС адмовіцца ад палётаў над тэрыторыяй Беларусі. ICAO 27 траўня на экстранным пасяджэнні прыняла рашэнне правесці расследаванне інцыдэнта з экстраннай пасадкай у Мінску самалёта ірландскай авіякампаніі Ryanair, яго першыя вынікі павінны былі падвесці да 25 чэрвеня. Ад Беларусі ў пасяджэнні прымаў удзел дырэктар дэпартамента па авіяцыі Мінтранса Арцём Сікорскі.
Чытайце таксама:
Эксперты ICAO адмовіліся размаўляць з Пратасевічам - Мінтранс
Дэпартамент авіяцыі: інцыдэнт з Ryanair - еўрапейская правакацыя
Украіна падоўжыла забарону на палёты "Белавія" ў свае гарады
Эксперты ICAO, якія расследуюць пасадку самалёта Ryanair, прыбылі ў Беларусь
Лукашэнка расказаў, што яго хвалюе ў сферы транспарту
ЗША, Вялікабрытанія і Канада сінхронна з ЕС увялі санкцыі па Беларусі
Новыя санкцыі ЕС па Беларусі ўступілі ў сілу
Кіраўнік Ryanair распавёў, калі апублікуюць даклад па борце Афіны – Вільнюс
IATA заклікала адмяніць забарону на палёты над Беларуссю
Лукашэнка пра мініраванне борта Ryanair і экстраную пасадку ў Мінску