МІНСК, 6 вер – Sputnik. Прэм'ер-міністр Польшчы Матэуш Маравецкі агучыў колькасць бежанцаў, якія спрабавалі перайсці мяжу з боку Беларусі за жнівень, лічбу ён назваў на прэс-канферэнцыі ў панядзелак.
На мінулым тыдні прэзідэнт Польшчы Анджэй Дуда ўвёў на беларуска-польскай мяжы рэжым надзвычайнага становішча, ён дзейнічае на прыгранічнай тэрыторыі да трох кіламетраў углыб краіны і закранае больш за 180 населеных пунктаў.
"Толькі з пачатку жніўня колькасць спроб нелегальнага пераходу мяжы - больш за 4 тысячы", - сказаў Маравецкі на прэс-канферэнцыі.
Кіраўнік МУС Польшчы Марыуш Камінскі у сваю чаргу заявіў, што за мінулыя суткі нелегальна перайсці мяжу спрабавалі 152 бежанца.
"Практычна 100% гэтых спроб было спынена", - сказаў міністр.
Паводле яго слоў, за апошні час было затрымана 11 чалавек, якія дапамагалі нелегалам перайсці мяжу. Гэта ў асноўным грамадзяне постсавецкіх краін - грузіны, таджыкі, украінцы і чачэнцы, удакладніў міністр.
Камінскі распавёў таксама і пра тое, колькі ў сярэднім плацяць мігранты за незаконнае перасячэнне мяжы. Сума дасягае 5,5 тыс долараў. Прычым многія нелегалы дзівяцца пасля затрымання, што апынуліся на тэрыторыі Польшчы, а не Германіі.
Краіны Балтыі, якія мяжуюць з Беларуссю, а таксама Польшча ў апошні час заяўляюць пра рост колькасці нелегалаў, якіх затрымліваюць на мяжы з рэспублікай. Прэзідэнт Беларусі Аляксандр Лукашэнка пасля чарговага пакета санкцый Захаду ў дачыненні да Мінска заявіў, што краіна больш не будзе стрымліваць паток мігрантаў - на гэта няма "ні грошаў, ні сіл".
Чытайце таксама:
Кіраўнікі МЗС ЕС абвінавацілі Беларусь у стварэнні міграцыйнага крызісу на мяжы
Літва агучыла новыя планы па ўзвядзенні "калючага плота" з Беларуссю
Засеўшым на мяжы з Польшчай мігрантам даставілі "гуманітарку"
ДПК распавёў аб бесчалавечных метадах выцяснення бежанцаў з Латвіі
Як жыве паўсталая супраць нелегалаў вёска ў Літве. Эксклюзіўны рэпартаж Sputnik
Варшава адказала ААН на заклік прыняць мігрантаў з беларускай мяжы
Ваенныя будуюць калючы плот на мяжы Беларусі і Польшчы
Меркель: сітуацыя з нелегаламі з Беларусі - гэта атака на ўвесь ЕС