Прэзідэнты Расіі і Беларусі Уладзімір Пуцін і Аляксандр Лукашэнка сустрэліся ў чацвер у Крамлі, дзе ўзгаднілі ўсе 28 праграм Саюзнай дзяржавы. Многія з гэтых праграм накіраваны на гарманізацыю падатковага і мытнага заканадаўства дзвюх краін.
На перамовах былі закрануты пытанні фарміравання агульнай абароннай прасторы, а таксама забеспячэнне бяспекі абедзвюх дзяржаў.
Беларускі лідар адзначыў, што калі краінам спатрэбіцца інтэграцыя ў ваеннай, палітычнай ці эканамічнай сферах, лідары зробяць гэта "імгненна", як толькі "адчуюць патрэбы нашага народа ў Беларусі і ў Расіі".
Аляксандр Лукашэнка звярнуўся да крытыкаў інтэграцыі ў Расіі і Беларусі і падкрэсліў, што нічога дрэннага для народаў абедзвюх краін у праграмах Саюзнай дзяржавы няма і быць не магло.
"Далікатна, прэзідэнт Расіі не сказаў аб рознага роду разважаннях, што тут нехта кагосьці паглыне, і гэтак далей і да таго падобнае. Павінен сказаць, што мы гэтай хваробай і не хварэлі з прэзідэнтам Расіі, калі хтосьці гэтым хварэў - можам падлячыць. Я нядаўна сказаў: мы досыць разумныя людзі, і, калі нам спатрэбіцца мець абсалютна цесныя адносіны, яшчэ больш магутныя, чым ва ўнітарнай дзяржаве, мы з ім (Пуціным. - Sputnik) гэта зробім элементарна", - сказаў Лукашэнка.
Кіраўнік беларускай дзяржавы сказаў, што не трэба "бразгаць старымі фразамі і тэрмінамі, што мы стараемся кагосьці паглынуць або аб'яднацца насуперак жаданням нашых народаў". Ён яшчэ раз падкрэсліў 28 напрамкаў сумесных праграм, якія плануюць рэалізаваць за 3 гады.
Перамовы, якія прайшлі напярэдадні, сталі пятай па ліку сустрэчай лідараў краін Саюзнай дзяржавы ў гэтым годзе. Сустрэча прэзідэнтаў доўжылася 7 гадзін.
Чытайце таксама:
Сустрэча Пуціна і Лукашэнкі ў Маскве: пра што ўдалося дамовіцца
Прэс-канферэнцыя Лукашэнкі і Пуціна пасля сустрэчы ў Маскве
Усе 28 саюзных праграм узгоднены - Пуцін
Мішусцін і Мезенцаў абмеркавалі паглыбленне інтэграцыі ў Саюзнай дзяржаве
Лукашэнка: прыняцце саюзных праграм будзе прарывам