Мінсувязі Беларусі: праца па адмене саюзнага роўмінгу ідзе па плане

МІНСК, 14 вер - Sputnik. Падпісанне інтэграцыйнай саюзнай праграмы не прадугледжвае новыя тэрміны адмены роўмінгу, паведамілі РІА Навіны ў міністэрстве сувязі і інфарматызацыі Беларусі.

Раней Расія і Беларусь дасягнулі пагаднення па пытанні адмены роўмінгу паміж краінамі. Дадзенае рашэнне было сфармулявана на форуме рэгіёнаў дзвюх краін. Адмена роўмінгу была ўхвалена на савеце міністраў Саюзнай дзяржавы прэм'ер-міністрамі дзвюх краін Міхаілам Мішусціным і Раманам Галоўчанка.

У профільным ведамстве асабліва адзначылі, што праведзеная праца ўжо дазволіла аператарам сувязі ў дзвюх краінах з 1 лістапада мінулага года знізіць стаўкі міжнароднага інэрканэкта на роўмінгавы трафік. У тым ліку, знізіліся міжаператарскія роўмінгавыя стаўкі. Ідзе ўкараненне камфортных тарыфаў на роўмінг у Саюзнай дзяржаве.

"Так, напрыклад, абаненцкія тарыфы на галасавыя паслугі міжнароднага роўмінгу беларускімі аператарамі электрасувязі былі зніжаны ў сярэднім на 70-80% у параўнанні з дзеючымі да 1 лістапада 2020 года", - удакладнілі ў прэс-службе.

Праца па адмене роўмінгу на тэрыторыі Саюзнай дзяржавы вядзецца ўжо некалькі гадоў. У снежні 2019 года была падпісана "Дарожная карта" па рэалізацыі рэзалюцыі Вышэйшага дзяржаўнага Савета Саюзнай дзяржавы ад 30 чэрвеня 2017 года ў пытанні аб адмене роўмінгу на тэрыторыі Саюзнай дзяржавы.

Па планах, плату за ўваходныя званкі ў роўмінгу павінны былі адмяніць не пазней за верасень 2020 года, але тэрміны зрушыліся. У красавіку ў пасольстве Беларусі ў Маскве заявілі, што цалкам адмяніць роўмінг збіраюцца з 2022 года.

У Мінсувязі РБ у траўні ўдакладнялі, што для вырашэння пытання краінам трэба дапрацаваць сістэмы барацьбы з тэлефонным махлярствам.