Пуцін і Лукашэнка абмеркавалі вынікі сумесных вучэнняў "Захад-2021"

МІНСК, 14 вер - Sputnik. Прэзідэнт Расіі Уладзімір Пуцін абмеркаваў з прэзідэнтам Беларусі Аляксандрам Лукашэнкам вынікі сумесных стратэгічных вучэнняў узброеных сіл "Захад-2021", а таксама сітуацыю ў Афганістане, паведаміла прэс-служба Крамля.

"У працяг расійска-беларускіх перамоваў, якія адбыліся 9 верасня ў Маскве, прэзідэнты абмеркавалі шэраг пытанняў двухбаковага ўзаемадзеяння, у тым ліку вынікі сумесных стратэгічных вучэнняў узброеных сіл Расійскай Федэрацыі і Рэспублікі Беларусь "Захад-2021", - гаворыцца ў паведамленні.

Акрамя таго, бакі дамовіліся аб далейшых кантактах.

Уладзімір Пуцін у сувязі з выяўленымі выпадкамі захворвання на каронаврус у ягоным атачэнні павінен выконваць рэжым самаізаляцыі, паведамілі ў аўторак у Крамлі.

"Адбылася тэлефонная размова прэзідэнта РФ Уладзіміра Пуціна з прэзідэнтам Рэспублікі Таджыкістан Эмамалі Рахмонам. Уладзімір Пуцін паведаміў, што ў сувязі з выяўленымі выпадкамі захворвання на каронавірус у ягоным атачэнні ён павінен на працягу пэўнага перыяду часу выконваць рэжым самаізаляцыі", - гаворыцца ў паведамленні.

З улікам гэтага прэзідэнт Расіі прыме ўдзел у рэжыме відэа-канферэнцсувязі ў сесіі Савета калектыўнай бяспекі АДКБ у Душанбэ і пасяджэнні Савета кіраўнікоў дзяржаў-членаў Шанхайскай арганізацыі супрацоўніцтва, а таксама сумесным пасяджэнні кіраўнікоў дзяржаў-членаў АДКБ і ШАС, удакладнілі ў Крамлі.

Сумесныя стратэгічныя вучэнні ПС Расіі і Беларусі праходзяць раз у два гады і з'яўляюцца завяршальным этапам сумеснай падрыхтоўкі ўзброеных сіл дзвюх краін ў 2021-м. Практычныя дзеянні праходзяць з 10 па 16 верасня.

Усяго ў вучэннях на тэрыторыі РФ і Беларусі прымаюць удзел да 200 тысяч чалавек, каля 80 самалётаў і верталётаў, да 760 адзінак баявой тэхнікі, а таксама да 15 караблёў.

Пры гэтым максімальная колькасць асабістага складу, які прыцягваецца на вучэнні, падпадае пад дзеянне Венскага дакумента 2011 года, на тэрыторыі РФ не перавышае 6,4 тысячы вайскоўцаў.