ВІЦЕБСК, 30 вер – Sputnik. Супрацоўнікі Полацкага пагранічнага атрада спынілі спробу выправаджэння з тэрыторыі Літвы ў Рэспубліку Беларусь 10 бежанцаў, паведамілі ў прэс-службе Дзяржаўнага пагранічнага камітэта.
Асобныя напрамкі на мяжы ўзмацнілі ўзаемадзейнымі сіламі і сродкамі.
"Днём 28 верасня на беларуска-літоўскім участку мяжы ў напрамку Браслаўскага раёна літоўскімі праваахоўнікамі была зроблена спроба незаконнага выправаджэння 10 грамадзян азіяцкай знешнасці на тэрыторыю Беларусі", - адзначылі ў прэс-службе.
Там падкрэслілі, што мяжа ў гэтым месцы праходзіць па рацэ. Але гэта, як і тое, што зараз ўсталявалася халоднае надвор'е, не спыніла літоўскіх пагранічнікаў, якія "сілай спрабавалі выштурхнуць мігрантаў цераз раку на нашу тэрыторыю".
У ДПК паведамілі, што дзеяннямі полацкіх пагранічнікаў "спроба парушэння дзяржаўнай мяжы РБ была спынена".
Нагадаем, сітуацыя на межах Беларусі з Літвой, Латвіяй і Польшчай абвастрылася летам бягучага года. Суседнія краіны заяўляюць пра рост колькасці нелегалаў, якіх затрымліваюць на мяжы з рэспублікай. Пры гэтым беларускія пагранічнікі паведамляюць пра "бесчалавечныя метады" выцяснення бежанцаў з суседніх краін.
Чытайце таксама:
Прэзідэнт Польшчы падпісаў указ аб працягу рэжыму НС на мяжы з Беларуссю
ДПК патлумачыў, адкуль у засеўшых на мяжы мігрантаў камуфляжныя бушлаты
Вальфовіч распавёў, як можна вырашыць праблему міграцыі ў краіны ЕС
Вільнюс прапанаваў мігрантам прасіць прытулку ў пасольстве Літвы ў Мінску
Літва агучыла новыя планы па ўзвядзенні "калючага плота" з Беларуссю
Кіраўнікі МЗС ЕС абвінавацілі Беларусь у стварэнні міграцыйнага крызісу на мяжы
Як жыве паўсталая супраць нелегалаў вёска ў Літве. Эксклюзіўны рэпартаж Sputnik