Катастрофа паблізу берагоў Лос-Анджэлеса: пагібельны разліў нафты (фота)

477 тыс літраў, а гэта амаль 3 тысячы барэляў нафты выцяклі ля ціхаакіянскага ўзбярэжжа ЗША.

Брыгады па ачыстцы ў нядзелю спрабавалі абмежаваць распаўсюджванне нафтавых плям у праліве Талберта.

Буйны разліў нафты ля ўзбярэжжа Паўднёвай Каліфорніі забрудзіў папулярныя пляжы.

У выніку ўцечкі чорнага золата сур'ёзна пацярпелі птушкі, пакрытыя нафтавай плёнкай.

Рыба плавае пад нафтавымі плямамі ў праліве Талберт. Ужо зафіксавана гібель рыбы і іншых марскіх насельнікаў у выніку катастрофы.

Па стане на нядзелю нафтавы шлейф ад разліву нафты распаўсюдзіўся на 5,8 марскіх міль (10 км) і цягнуўся ўздоўж берагавых ліній Хантынгтон-Біч і Ньюпорт-Біч.

Каманды па ачыстцы выкарыстоўваюць нафтазборшчыкі і плывучыя загароды, каб паспрабаваць спыніць далейшае пранікненне сырой нафты ў балотныя ўгоддзі запаведніка Талберт-Марш, які насяляе мноства птушак.

Забруджанае ўзбярэжжа з'яўляецца папулярным месцам для заняткаў серфінгам і, наогул, для аматараў пляжнага адпачынку.

У выніку разліву было зачынена папулярнае авіяшоў Great Pacific Airshow, улады заклікалі людзей пазбягаць бліжэйшых пляжаў.

Ратавальнікі выстаўляюць папераджальныя знакі.

Хантынгтон-біч знаходзіцца прыкладна ў 65 км на поўдзень ад Лос-Анджэлеса, яго ўзбярэжжа пацярпела ад разліву ў першую чаргу.

Тэхнагенная катастрофа адбылася з-за ўцечкі на нафтаправодзе кампаніі Amplify Energy у раёне акругі Орандж на поўдні штата.

Спецыялісты Нацыянальнага савета па бяспецы на транспарце ЗША расследуюць абставіны здарэння.