Нашэнне масак і захаванне дыстанцыі ў грамадскіх месцах стала абавязковым у Беларусі з 9 кастрычніка. Міністэрства аховы здароўя ўнесла змены і дапаўненні ў санітарныя нормы і правілы, якія датычацца прафілактыкі грыпу і COVID-19. Ва ўсіх рэгіёнах і ў сталіцы складаная эпідсітуацыя па захворванні на каронавірус.
"З 9 кастрычніка нашы грамадзяне абавязаны насіць маскі і захоўваць дыстанцыю ў магазінах, аб'ектах грамадскага харчавання, бытавога абслугоўвання, пры наведванні тэатраў, кінатэатраў, культурна-масавых мерапрыемстваў, стадыёнаў, прадпрыемстваў, устаноў аховы здароўя, аптэк і іншых аб'ектаў", - паведаміў аб новаўвядзенні намеснік міністра аховы здароўя Аляксандр Тарасенка.
Цяпер звычайныя грамадзяне будуць несці адказнасць за невыкананне санітарных правіл. Пры гэтым ёсць пэўныя патрабаванні нашэння сродкаў індывідуальнай абароны: маска павінна закрываць нос, рот і падбародак. Санэпідслужба і зацікаўленыя ведамствы, а менавіта МУС і Мінтранс, будуць кантраляваць выкананне патрабаванняў.
Sputnik удакладніў у мінчан, як яны ставяцца да новаўвядзення.
Нагадаем, што для прадухілення распаўсюджвання каронавіруса ў Беларусі масачны рэжым увялі 12 лістапада 2020 года. Тады ў Міністэрстве аховы здароўя заявілі, што масачны рэжым і сацыяльнае дыстанцыяванне жыхарам рэспублікі трэба будзе выконваць да таго часу, пакуль не пойдзе на спад захворванне.
Чытайце таксама:
Які штраф пагражае беларусам за парушэнне масачнага рэжыму
Як аднавіцца пасля каронавіруса: пакрокавая інструкцыя
Ва ўсіх грамадскіх месцах: масачны рэжым становіцца больш жорсткім з 9 кастрычніка